Uppinangady ಹಿರೇಬಂಡಾಡಿಯಲ್ಲಿ ಕಾಡಾನೆ ಪ್ರತ್ಯಕ್ಷ: ಸ್ಥಳೀಯರಲ್ಲಿ ಆತಂಕ

ಉಪ್ಪಿನಂಗಡಿ: ಕಳೆದ ಮೂರು ದಿನಗಳಿಂದ ಕಾಣಿಸಿಕೊಳ್ಳುತ್ತಿದ್ದ ಕಾಡಾನೆಯು ಬುಧವಾರ ದಿನಪೂರ್ತಿ ಹಿರೆಬಂಡಾಡಿ ಗ್ರಾಮದಲ್ಲೇ ಠಿಕಾಣಿ ಹೂಡಿದ್ದು, ಹಲವೆಡೆ ಕೃಷಿ ಬೆಳೆಗಳನ್ನು ಹಾನಿಗೊಳಿಸಿದೆ.

ಗ್ರಾಮದ ಕೊಳ್ಳೆಜಾಲು ಎಂಬಲ್ಲಿನ ಯಾಕೂಬ್‌, ಸಂತು ನಲಿಕೆ, ಅಡೆಕ್ಕಲ್‌ ಪರಿಸರದ ಪ್ರಕಾಶ್‌ ರೈ, ವಿಶ್ವನಾಥ್‌ ಆಕಿರೆಎಂಬವರ ತೋಟದಲ್ಲೆ ಅಲೆದಾಡುತ್ತಿದ್ದ ಈ ಕಾಡಾನೆಯು ತನ್ನ ಆಹಾರಕ್ಕಾಗಿ ಹಲವೆಡೆ ಕೃಷಿ ಬೆಳೆಗಳನ್ನು ತಿನ್ನಲೆತ್ನಿಸಿ ದ್ದರಿಂದ ಕೃಷಿ ಬೆಳೆ ಹಾನಿಗೀಡಾಗಿದೆ.

ಸಂತು ನಲಿಕೆ ಎಂಬವರ ತೋಟದಲ್ಲಿ ಹುಲ್ಲು ತೆಗೆಯುತ್ತಿದ್ದ ಕಾರ್ಮಿಕರು ಹತ್ತು ಮೀಟರ್‌ ಅಂತರದಲ್ಲಿ ಆನೆಯನ್ನು ಕಂಡು ಭಯಭೀತರಾಗಿ ಓಡಿ ತಪ್ಪಿಸಿಕೊಳ್ಳುವಲ್ಲಿ ಯಶಸ್ವಿಯಾದರು.

ಕಳೆದ ಎರಡು ದಿನಗಳ ಹಿಂದೆ ನರಿಮೊಗ್ರು ಗ್ರಾಮದ ಬೀರಮಂಗಿಲ ಕುಮಾರಧಾರಾ ನದಿ ದಾಟಿ ಬಂದ ಆನೆ ಮೊದಲ ಬಾರಿಗೆ ಬರಲು ಆರಂಭಿಸಿದ್ದು ಅಡೆಕಲ್‌ ಪರಿಸರ ಸೇರಿದಂತೆ ಹಲವರನಿದ್ದೆಗೆಡಿಸುವಂತಾಗಿದೆ. ಗ್ರಾಮದ ಹಲವೆಡೆ ದಿನವೀಡಿ ಕಾಣಿಸಿಕೊಳ್ಳು ತ್ತಿರುವ ಕಾರಣ ಎರಡು ಆನೆಗಳು ಇರಬಹುದೆಂದು ಅಂದಾಜಿಸಲಾಗಿದೆ.