Advertisement

ಪ್ರವಾಹ: ಪಾಕ್‌ನಲ್ಲಿ ಮುಸ್ಲಿಂ ಕುಟುಂಬಗಳಿಗೆ ದೇಗುಲದ ಆಶ್ರಯ

12:23 PM Sep 12, 2022 | Team Udayavani |

ಇಸ್ಲಾಮಾಬಾದ್‌: ಪ್ರವಾಹದ ಸುಳಿಯಲ್ಲಿ ಸಿಲುಕಿರುವ ಪಾಕಿಸ್ಥಾನದಲ್ಲಿ ದೇಗುಲವೊಂದು ಮುಸ್ಲಿಂ ಸಮುದಾಯದವರಿಗೆ ಆಶ್ರಯ ನೀಡಿ ಮಾನವೀಯತೆ ಮೆರೆದಿದೆ.

Advertisement

ಬಲೂಚಿಸ್ಥಾನ ಪ್ರಾಂತದಲ್ಲಿನ ಬಾಬಾ ಮಧೋದಾಸ್‌ ಮಂದಿರದಲ್ಲಿ ಈ ರೀತಿ ಆಶ್ರಯ ನೀಡಲಾಗುತ್ತಿದೆ. ಈ ದೇಗುಲ ಗುಡ್ಡದ ಮೇಲ್ಭಾಗದಲ್ಲಿದ್ದು, ಪ್ರವಾಹದ ಸಮಸ್ಯೆಗೆ ಸಿಲುಕಿಕೊಂಡಿಲ್ಲ. ಗುಡ್ಡದ ಕೆಳಗಿರುವ ಮನೆಗಳಿಗೆ ನೀರು ನುಗ್ಗಿದ್ದು, ಜನರು ಗ್ರಾಮ ಬಿಟ್ಟು ಹೊರಗೆ ಹೋಗದಂತಾಗಿದೆ.

ದೇಗುಲವನ್ನು ನಿರ್ವಹಿಸುತ್ತಿರುವ ಹಿಂದೂ ಕುಟುಂಬಗಳು ದೇಗುಲದ ಧ್ವನಿವರ್ಧಕಗಳ ಮೂಲಕ ಜನರಿಗೆ ಎಚ್ಚರಿಕೆ ಕೊಟ್ಟಿದ್ದಾರೆ. “ದೇಗುಲದ ಬಾಗಿಲು ತೆರೆದಿದೆ. ನೀವು ಇಲ್ಲಿಯೇ ಬಂದು ವಾಸ ಹೂಡಿ’ ಎಂದು ಮುಸ್ಲಿಂ ಸಮುದಾಯಕ್ಕೆ ಕರೆ ಕೊಟ್ಟಿದೆ.

ದೇಗುಲದಲ್ಲಿ 100 ಕೊಠಡಿಗಳಿದ್ದು, ಸುಮಾರು 200-300 ಜನರಿಗೆ ಆಶ್ರಯ ನೀಡಲಾಗಿದೆ. ಪೂರ್ತಿಯಾಗಿ ದ್ವೀಪವಾಗಿರುವ ಈ ಗ್ರಾಮಕ್ಕೆ ಸರಕಾರವು ಹೆಲಿಕಾಪ್ಟರ್‌ ಮೂಲಕ ದಿನಸಿ ಒದಗಿಸುತ್ತಿದ್ದು, ದೇಗುಲದಲ್ಲಿಯೇ ಎಲ್ಲರಿಗೂ ಅಡುಗೆ ಮಾಡಿ ಹಂಚಲಾಗುತ್ತಿದೆ. ಕುರಿ, ಮೇಕೆಗಳಿಗೂ ದೇಗುಲದ ಆವರಣದಲ್ಲಿಯೇ ಸ್ಥಳಾವಕಾಶ ಮಾಡಿಕೊಡಲಾಗಿದೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next