ಹಿಂದೂ ವ್ಯಕ್ತಿಯೂ ಅಮೆರಿಕ ಅಧ್ಯಕ್ಷ ಆಗಬಹುದು: ಒಬಾಮ ಭವಿಷ್ಯ

ವಾಷಿಂಗ್ಟನ್‌: “ಮುಂದೊಂದು ದಿನ ಇದೇ ಅಮೆರಿಕಕ್ಕೆ ಹಿಂದೂ ವ್ಯಕ್ತಿಯೂ ಅಧ್ಯಕ್ಷನಾಗಿ ಬರಬಹುದು’! ಶ್ವೇತಭವನದಲ್ಲಿ ಅಮೆರಿಕದ ನಿರ್ಗಮಿತ ಅಧ್ಯಕ್ಷ ಬರಾಕ್‌ ಒಬಾಮ ನುಡಿದ ಭವಿಷ್ಯವಿದು.

“ಇಲ್ಲಿನ ಎಲ್ಲ ವರ್ಗವನ್ನು ನಾವು ಅರ್ಹತೆಯಿಂದಲೇ ಕಾಣುತ್ತಿದ್ದೇವೆ. ಪ್ರತಿ ಹಳ್ಳಿಯ ಮೂಲೆಯಲ್ಲಿದ್ದವರಿಗೂ ಈ ದೇಶ ಸಮಾನ ಅವಕಾಶವನ್ನೇ ನೀಡುತ್ತಿದೆ. ಇದೇ ಅಮೆರಿಕದ ದೊಡ್ಡ ಶಕ್ತಿ. ಮುಂದೊಂದು ದಿನ ಮಹಿಳೆಯೇ ಅಧ್ಯಕ್ಷೆ ಆಗಬಹುದು, ಲ್ಯಾಟಿನೋ ಅಧ್ಯಕ್ಷ ಬರಬಹುದು. ಯೆಹೂದಿಯೂ ಆಗಬಹುದು ಅಥವಾ ಹಿಂದೂ ವ್ಯಕ್ತಿಯೇ ಆ ಸ್ಥಾನ ಅಲಂಕರಿಸಬಹುದು’ ಎಂದು ತಮ್ಮ ಕೊನೆಯ ಸುದ್ದಿಗೋಷ್ಠಿಯಲ್ಲಿ ಹೇಳಿದರು. 

“ಮುಂಬರುವ ದಿನ ನಾವೆಲ್ಲ ಕ್ಷೇಮವಾ ಗಿರಲಿದ್ದೇವೆ’ ಎನ್ನುವ ಮೂಲಕ ಟ್ರಂಪ್‌ ಆಡಳಿತದ ಬಗ್ಗೆ ವಿಶ್ವಾಸ ವ್ಯಕ್ತಪಡಿಸಿದರು.