Advertisement
ತೊಟ್‌ ತೊಟ್‌ ಎಂದು ತೊಟ್ಟಿಕ್ಕುವ ಹನಿಗಳ ಶಬ್ದ. ಹಳ್ಳಗಳ ಜುಳು ಜುಳುನಾದವನ್ನು ಕೇಳಿ ಪಶ್ಚಿಮ ಘಟ್ಟಗಳ ಸೊಬಗಿಗೆ ನಾನಂತೂ ಫೀದಾ ಆಗಿದ್ದೇನೆ. ಮಳೆ ಸುರಿಯುವ ಸಂದರ್ಭದಲ್ಲಿ ಹೆಂಚಿನ ಮನೆಯ ಚಿಮಣಿಗಳಿಂದ ಹೊರ ಬರುವ ಹೊಗೆ, ನೋಡುಗರ ಕಣ್ಣಿಗೆ ಬೆಚ್ಚನೆಯ ಅನುಭವನನ್ನು ನೀಡುತ್ತವೆ. ತಲೆಮಾರುಗಳು ಬದುಕುಳಿದ ಮಲೆನಾಡಿನ ಮನೆಯ ವಾಡೆಗಳಲ್ಲಿ ಅದೆಷ್ಟು ಬುತ್ತಿಬುತ್ತಿ ನೆನಪುಗಳು ಅಡಗಿವೆಯೋ.. ಅರಿತವರಾರು?ಹಲಸಿನ ಮರದಿಂದ ಕೆತ್ತಿಸಿದ ಮನೆಯ ಕಂಬಗಳು, ಗಾರೆಯ ಜಗುಲಿ, ವರಾಂಡದಲ್ಲಿ ಮುರಿದು ಬಿದ್ದ ಎತ್ತಿನ ಬಂಡಿ, ಹೋಳಾದ ಖಾಲಿ ಮಜ್ಜಿಗೆ ಸೋರೆ, ಜೇಡರ ಬಲೆಗೆ ಆಸರೆಯಾದ ಉಪ್ಪಿನಕಾಯಿ ಜಾಡಿ, ಗೋಡೆಯ ಮೇಲೆ ನೇತಾಡುವ ಧೂಳಿಡಿದ ಛತ್ರಿ, ಮೂಲೆ ಸೇರಿದ ಚರ್ಮದ ಚಪ್ಪಲಿಗಳು ಸಾಲು ಸಾಲು ಕತೆಗಳನ್ನು ಹೇಳುತ್ತವೆ.
Related Articles
Advertisement
–ಹರೀಶ್‌ ಕಮ್ಮನಕೋಟೆ