ಮಹಾಸಾಧ್ವಿ ಹೇಮರಡ್ಡಿ ಮಲ್ಲಮ್ಮ ಜಯಂತ್ಯುತ್ಸವ

ಗದಗ: ಶ್ರೀ ಮಹಾಯೋಗಿ ವೇಮನ ಜಿಲ್ಲಾ ರಡ್ಡಿ ಸಮಾಜ ಸಂಘದ ಕಚೇರಿಯಲ್ಲಿ ಮಹಾಸಾಧ್ವಿ ಶಿವಶರಣೆ ಹೇಮರಡ್ಡಿ ಮಲ್ಲಮ್ಮರ 598ನೇ ಜಯಂತ್ಯುತ್ಸವವನ್ನು ರವಿವಾರ ಸರಳವಾಗಿ ಆಚರಿಸಲಾಯಿತು.

ಜಯಂತಿ ಅಂಗವಾಗಿ ಶರಣೆ ಮಲ್ಲಮ್ಮಳ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಿ, ಭಕ್ತಿ ಅರ್ಪಿಸಲಾಯಿತು. ಸಂಘದ ಅಧ್ಯಕ್ಷ ರವೀಂದ್ರನಾಥ ಮೂಲಿಮನಿ, ಕಾರ್ಯದರ್ಶಿ ಶೇಖರಡ್ಡಿ ಫ. ಗದ್ದಿಕೇರಿ, ಸಹಕಾರ್ಯದರ್ಶಿ ಶಿವನಗೌಡ ಹಳ್ಳೂರ, ಖಜಾಂಚಿ ರವೀಂದ್ರನಾಥ ಕುಲಕರ್ಣಿ, ನಿರ್ದೇಶಕ ದೇವರೆಡ್ಡಿ ತಿರ್ಲಾಪೂರ, ಶರಣಪ್ಪ ಹೊಸಮನಿ, ಶಂಕರ ಮುದರಡ್ಡಿ, ಶ್ರೇಯಸ್‌ ಮೂಲಿಮನಿ, ಪೂಜಾ ಪಾಲ್ಗೊಂಡಿದ್ದರು.