ಖತಾರ್‌ನಲ್ಲಿ ಹೆಬ್ಬುಲಿ ಘರ್ಜನೆ!

ಸುದೀಪ್‌ ಅಭಿನಯದ “ಹೆಬ್ಬುಲಿ’ ಚಿತ್ರವು ಕರ್ನಾಟಕ ಮತ್ತು ಇತರೆ ರಾಜ್ಯಗಳಲ್ಲಿ ಸಾಕಷ್ಟು ಸುದ್ದಿ ಮಾಡಿದ್ದು ಗೊತ್ತೇ ಇದೆ. ಸಾಗರದಾಚೆಗೂ “ಹೆಬ್ಬುಲಿ’ ಕಾಲಿಡಲಿದೆ ಎಂಬ ಸುದ್ದಿಯನ್ನು ಈ ಹಿಂದೆ ಇದೇ ಬಾಲ್ಕನಿಯಲ್ಲಿ ಹೇಳಲಾಗಿತ್ತು. ಈಗ ಖತಾರ್‌ನಲ್ಲಿ “ಹೆಬ್ಬುಲಿ’ ಘರ್ಜಿಸುತ್ತಿದೆ. ಹೌದು, ಖತಾರ್‌ ರಾಜಧಾನಿ ದೋಹಾದ ಏಶಿಯಾ ಟೌನ್‌ ಚಿತ್ರಮಂದಿರದಲ್ಲಿ “ಹೆಬ್ಬುಲಿ’ ಪ್ರದರ್ಶನಗೊಂಡಿದೆ.

ಖತಾರ್‌ನ ಕನ್ನಡ ಸಿನಿಮಾಪ್ರಿಯರಿಂದ ಚಲನಚಿತ್ರ ಮಂದಿರ ಭರ್ತಿಯಾಗಿ ಯಶಸ್ವಿ ಪ್ರದರ್ಶನ ಕಂಡಿದ್ದು ವಿಶೇಷ.  ಖತಾರ್‌ನಲ್ಲಿ “ಹೆಬ್ಬುಲಿ’ ಯಶಸ್ವಿ ಪ್ರದರ್ಶನ ಆಗಲು ಕಾರಣರಾದ ಸುಬ್ರಮ್ಮಣ್ಯ ಹೆಬ್ಟಾಗಿಲು ಅವರನ್ನು ನಿರ್ಮಾಪಕರಾದ ರಘುನಾಥ್‌ ಮತ್ತು ಉಮಾಪತಿ ಅವರು ಅಭಿನಂದಿಸಿದ್ದಾರೆ. ಖತಾರ್‌ನಲ್ಲಿ ಈವರೆಗೆ ಆರು ಕನ್ನಡ ಸಿನಿಮಾಗಳು ಪ್ರದರ್ಶನಗೊಂಡಿವೆ.

ಖತಾರ್‌ನಲ್ಲಿ ಕನ್ನಡ ಚಿತ್ರಗಳ ಪ್ರದರ್ಶನಕ್ಕೆ ಸಹಕರಿಸಿದ ನಿರ್ಮಾಪಕರಿಗೆ ಸುಬ್ರಮ್ಮಣ್ಯ ಅವರು ಅಭಿನಂದಿಸಿದ್ದಾರೆ. ಇನ್ನು, ಖತಾರ್‌ನಲ್ಲಿ “ಹೆಬ್ಬುಲಿ’ ಪ್ರದರ್ಶನದ ಯಶಸ್ಸಿಗೆ ತಮ್ಮೊಂದಿಗೆ ದುಡಿದ ಇಮ್ರಾನ್‌, ಮೋಹನ್‌, ದಿನೇಶ್‌ಗೌಡ, ದಿವಾಕರ್‌ ಪೂಜಾರಿ ಮತ್ತು ಮಹೇಶ್‌ಗೌಡ ಹಾಗು ಹಂಚಿಕೆದಾರ ದೀಪಕ್‌, ಸೋಮಶೇಖರ್‌ ಅವರಿಗೆ ಧನ್ಯವಾದ ಹೇಳಿದ್ದಾರೆ.