ನಾಶಿಕ್‌ನಲ್ಲಿ ಜಡಿ ಮಳೆ; 30ರ ಹರೆಯದ ರೈತ ಸಿಡಿಲಿಗೆ ಬಲಿ

ನಾಶಿಕ್‌ : ನಾಶಿಕ್‌ನಲ್ಲಿ ನಿನ್ನೆ ಭಾನುವಾರ ಮಧ್ಯಾಹ್ನ 2 ಗಂಟೆಯ ವೇಳೆಗೆ ಆರಂಭವಾಗಿದ್ದ ಜಡಿ ಮಳೆ ತಡರಾತ್ರಿಯ ವರೆಗೂ ಮುಂದುವರಿದು ಸಿಡಿಲಿಗೆ ಒಬ್ಬ ರೈತ ಮೃತಪಟ್ಟಿರುವುದಾಗಿ ವರದಿಯಾಗಿದೆ. 

ಇಂದು ಸೋಮವಾರ ಬೆಳಗ್ಗೆ 8 ಗಂಟೆ ವರೆಗಿನ ಕಳೆದ 24 ತಾಸುಗಳ ಅವಧಿಯಲ್ಲಿ ನಾಶಿಕ್‌ ಜಿಲ್ಲೆಯಲ್ಲಿ 374.3 ಮಿ.ಮೀ. ಮಳೆಯಾಗಿರುವುದಾಗಿ ಹವಾಮಾನ ಇಲಾಖಾಧಿಕಾರಿಗಳು ತಿಳಿಸಿದ್ದಾರೆ. 

ಈ 24 ತಾಸಿನ ಅವಧಿಯಲ್ಲಿ  ನಾಶಿಕ್‌ನ ಇಗತಪುರಿ ತೆಹಶೀಲ್‌ನಲ್ಲಿ 74 ಮಿ.ಮೀ, ದಿಂಡೋರಿ ತೆಹಶೀಲ್‌ನಲ್ಲಿ 40 ಮಿ.ಮೀ. ಮತ್ತು ತ್ರ್ಯಂಬಕೇಶ್ವರದಲ್ಲಿ 34 ಮಿ.ಮೀ. ಮಳೆಯಾಗಿದೆ.

ಸಿಡಿಲಾಘಾತಕ್ಕೆ ಗುರಿಯಾಗಿ ಮೃತಪಟ್ಟ 30ರ ಹರೆಯದ ರೈತನು ಚಿಂಚೋಹಾಲ್‌ ಗ್ರಾಮದವನೆಂದು ಗೊತ್ತಾಗಿದೆ.