ಬೆಂಗಳೂರಿನಲ್ಲಿ ಭಾರೀ ಮಳೆ ; 2 ತಿಂಗಳ ಹಿಂದಿನ ಕ್ರೀಡಾಂಗಣ ಕುಸಿತ!

ಬೆಂಗಳೂರು: ನಗರದ ಬೊಮ್ಮನಹಳ್ಳಿ, ಸಿಂಗ ಸಂದ್ರ, ಕೊಡಿಗೇಹಳ್ಳಿ ಸಹಿತ ಹಲವೆಡೆ ಸೋಮವಾರ ಭಾರೀ ಮಳೆ ಯಾಗಿದೆ.

ಮಾರುತಿ ಸೇವಾನಗರ 2 ಮತ್ತು ಚಂದ್ರಾ ಲೇಔಟ್‌ 1 ಸಹಿತ ಹಲವೆಡೆ 8ಕ್ಕಿಂತ ಹೆಚ್ಚಿನ ಮರಗಳು ಧರೆಗುರುಳಿವೆ. ಎಚ್‌ಎಸ್‌ಆರ್‌ ಬಡಾವಣೆಯಲ್ಲಿ ಮರವೊಂದು ಲಾರಿ ಮೇಲೆ ಬಿದ್ದಿದೆ.

2 ತಿಂಗಳ ಹಿಂದಿನ ಕ್ರೀಡಾಂಗಣ ಕುಸಿತ!
ಮುಖ್ಯಮಂತ್ರಿ ಮಾರ್ಚ್‌ 1ರಂದು ಎಚ್‌.ಎಸ್‌.ಆರ್‌. ಲೇಔಟ್‌ನಲ್ಲಿ ಉದ್ಘಾಟಿಸಿದ್ದ ಅಟಲ್‌ ಬಿಹಾರಿ ವಾಜಪೇಯಿ ಕ್ರೀಡಾಂಗಣದ ಮೇಲ್ಛಾವಣಿ ರವಿವಾರ ನೆಲಸಮವಾಗಿದ್ದು, ಸ್ಥಳೀಯರ ಆಕ್ರೋಶಕ್ಕೆ ಕಾರಣವಾಗಿದೆ.