ಕೊಲ್ಲೂರು ಪರಿಸರ: ಧಾರಾಕಾರ ಮಳೆ

ಕೊಲ್ಲೂರು: ಕಳೆದ 5 ದಿನಗಳಿಂದ ಕೊಲ್ಲೂರು ಪರಿಸರದಲ್ಲಿ ಸುರಿಯುತ್ತಿವ ಮಳೆಯು ಸೋಮವಾರದಂದು ಭಾರೀ ಪ್ರಮಾಣದಿಂದ ಸುರಿಯುತ್ತಿದ್ದು ಇಲ್ಲಿನ ಸೌಪರ್ಣಿಕಾ ನದಿಯ ನೀರಿನ ಮಟ್ಟ ಗಣನೀಯವಾಗಿ ಏರುತ್ತಿದೆ.

ಹಾಲ್ಕಲ್ ನಿಂದ ಕೊಲ್ಲೂರು ಸಹಿತ ಕೊಡಚಾದ್ರಿಯ ತಪ್ಪಲಿನ ನಿಟ್ಟೂರಿನಲ್ಲಿ ಕೂಡ ಭಾರೀ ಮಳೆಯಾಗುತ್ತಿದ್ದು ನೀರಿನ ಮಟ್ಟ ದಿನೇ ದಿನೇ ಏರುತ್ತಿದೆ. ಕೊಲ್ಲೂರಿನ ಸೌಪರ್ಣಿಕಾ, ಕಾಶಿ ಹಾಗೂ ಅರಶಿನ ಗುಂಡಿ ಪ್ರದೇಶಗಳಲ್ಲಿ ನೀರು ಉಕ್ಕಿ ಹರಿಯುತ್ತಿದೆ.

ಜಡ್ಕಲ್, ಮುದೂರು ಸಹಿತ ಸೆಳ್ಕೋಡು, ಇಡೂರು, ವಂಡ್ಸೆ, ಚಿತ್ತೂರು, ಮಾರಣಕಟ್ಟೆ ಪರಿಸರದಲ್ಲಿ ಧಾರಾಕಾರ ವಾಗಿ ಮಳೆ ಸುರಿಯುತ್ತಿದ್ದು ಕೃಷಿ ಚಟುವಟಿಕೆ ಚುರುಕು ಕೊಂಡಿದೆ.