ಎಲ್ಲ ವಿಮಾ ಪಾಲಿಸಿಗಳ ವಿವರಗಳು ಆನ್‌ಲೈನ್‌ನಲ್ಲಿ ಲಭ್ಯವಿರುವುದರಿಂದ ಕುಳಿತಲ್ಲೇ ವಿಮಾ ಪಾಲಿಸಿಗಳ ಕುರಿತು ಮಾಹಿತಿ ಪಡೆದುಕೊಳ್ಳಬಹುದು. ಆದರೆ ಯಾವುದೇ ಬಗೆಯ ವಿಮೆಯ ಕುರಿತು, ಸಂಸ್ಥೆಯ ಪ್ರತಿನಿಧಿಯೊಂದಿಗೆ ಚರ್ಚಿಸಿ ನಿರ್ಧಾರ ತೆಗೆದುಕೊಳ್ಳುವುದು ಸೂಕ್ತ. ವಿಮಾ ಪಾಲಿಸಿ ಮಾಡಿಸಿಕೊಳ್ಳುವ ಮುನ್ನ ನಾವು ಅರಿತುಕೊಳ್ಳಬೇಕಾದ ನಾಲ್ಕು ಸಂಗತಿಗಳು ಇಲ್ಲಿವೆ.
Advertisement
ಒಳಗೊಂಡಿರುವುದೇನು?: ವಿಮೆ ಮಾಡುವಾಗ ಎಲ್ಲರೂ ಪ್ರೀಮಿಯಂ ವಿಷಯಕ್ಕೇ ಮೊದಲ ಪ್ರಾಶಸ್ತ್ಯ ಕೊಡುತ್ತಾರೆ. ಆದರೆ ಆ ಪಾಲಿಸಿ ಏನೆಲ್ಲ ಕವರ್‌ ಮಾಡುತ್ತದೆ ಎಂಬುದರತ್ತ ಹೆಚ್ಚಿನ ಲಕ್ಷ್ಯ ವಹಿಸುವುದಿಲ್ಲ. ಇದು ಸರಿಯಾದ ಕ್ರಮವಲ್ಲ. ಆಸ್ಪತ್ರೆಯ ಪ್ರಾಥಮಿಕ ಖರ್ಚನ್ನು ಕವರ್‌ ಮಾಡುವ ಪ್ಲ್ಯಾನ್‌, ಗಂಭೀರ ಕಾಯಿಲೆಯ ಚಿಕಿತ್ಸೆ ಕವರ್‌ ಮಾಡುವ ಪ್ಲ್ಯಾನ್‌… ಹೀಗೆ ಹಲವು ವಿಚಾರಗಳ ಕುರಿತು ಮಾಹಿತಿ ಪಡೆದುಕೊಳ್ಳಬೇಕು. ಹೀಗೆ ಮಾಡುವುದರಿಂದ ಗ್ರಾಹಕರಿಗೆ ಈ ವಿಮೆ ಸೂಕ್ತವೋ ಎಂಬ ಬಗ್ಗೆ ಖಚಿತ ನಿರ್ಧಾರಕ್ಕೆ ಬರಲು ಸಹಕಾರಿಯಾಗುತ್ತದೆ. ಗಂಭೀರ ಕಾಯಿಲೆಯನ್ನು ಕವರ್‌ ಮಾಡುವ ಪಾಲಿಸಿಯಾದರೆ ಎಷ್ಟು ಬಗೆಯ ಕಾಯಿಲೆಗಳನ್ನು ಕವರ್‌ ಮಾಡುತ್ತದೆ ಎಂದು ತಿಳಿದುಕೊಳ್ಳಬೇಕು.
Related Articles
ಮಾರುಕಟ್ಟೆಯಲ್ಲಿ ಲಭ್ಯವಿರುವ ವಿಮೆಗಳಲ್ಲಿ ಹೆಚ್ಚಿನವು, ಹಿಂದಿನಿಂದಲೂ ಇರುವ ಗಂಭೀರ ಕಾಯಿಲೆಗಳಿದ್ದರೆ, ಅದನ್ನು ಕವರ್‌ ಮಾಡುವುದಿಲ್ಲ. ಮಾಡಿದರೂ 3- 4 ವರ್ಷಗಳ ಒಳಗೆ ಆ್ಯಕ್ಟಿವೇಟ್‌ ಆಗುವುದಿಲ್ಲ. ಅಂದರೆ ನಿಗದಿತ ಅವಧಿಯ ಅನಂತರವೇ ವಿಮಾ ರಕ್ಷಣೆ ಸಿಗುತ್ತದೆ. ಇದನ್ನೇ “ವೈಟಿಂಗ್ ಪಿರಿಯೆಡ್‌’ ಎನ್ನಲಾಗುತ್ತದೆ. ಗ್ರಾಹಕರಿಗೆ ಕಡಿಮೆ ಅವಧಿಯಲ್ಲಿ ಕ್ಲೈಮ್‌ ಮಾಡಲು ಸಾಧ್ಯವಾಗುವಂಥ ಪಾಲಿಸಿ ಬೇಕಿದ್ದಲ್ಲಿ, ವೈಟಿಂಗ್ ಪಿರಿಯೆಡ್‌ ಕಡಿಮೆಯಿರುವ ಪಾಲಿಸಿಯನ್ನು ಆಯ್ದುಕೊಳ್ಳಬೇಕು. ಆರ್ಥೈಟಿಸ್‌, ಮೂತ್ರಕೋಶದಲ್ಲಿ ಕಲ್ಲು, ಕ್ಯಾಟರಾಕ್ಟ್ ಮುಂತಾದ ಚಿಕಿತ್ಸೆಗಳನ್ನು ಕೆಲವು ಪಾಲಿಸಿಗಳು ಮೊದಲ ಒಂದೆರಡು ವರ್ಷಗಳ ಅವಧಿಯಲ್ಲಿ ಕವರ್‌ ಮಾಡುವುದಿಲ್ಲ.
Advertisement