ಕಾಶ್ಮೀರ: ನಾಪತ್ತೆಯಾದ ವ್ಯಕ್ತಿಯ ಶಿರಚ್ಛೇದಿತ ದೇಹ ಪತ್ತೆ

ಶ್ರೀನಗರ : ಉತ್ತರ ಕಾಶ್ಮೀರದ ಬಂಡಿಪೋರಾ ಜಿಲ್ಲೆಯಿಂದ ಕಳೆದ ಬುಧವಾರ ನಾಪತ್ತೆಯಾಗಿದ್ದ ವ್ಯಕ್ತಿಯೋರ್ವನ ಶಿರಚ್ಛೇದಿತ ದೇಹ ಪತ್ತೆಯಾಗಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.

ಈ ಶಿರಚ್ಛೇದಿತ ದೇಹವು ಮನ್‌ಜೂರ್‌ ಅಹ್ಮದ್‌ ಭಟ್‌ ಎಂಬವನದ್ದು ಗೊತ್ತಾಗಿದೆ. ಬಂಡೀಪೋರಾ ಹೊರವಲಯದ ಹಾಜಿನ್‌ ಎಂಬಲ್ಲಿ  ಇಂದು ಬೆಳಗ್ಗೆ ತಲೆ ಇಲ್ಲ ಆತನ ಮೃತ ದೇಹವು ಪತ್ತೆಯಾಯಿತು ಎಂದು ಹಿರಿಯ ಪೊಲೀಸ್‌ ಸುಪರಿಂಟೆಂಡೆಂಟ್‌ ಶೇಖ್‌ ಝಲ್‌ಫಿಕರ್‌ ತಿಳಿಸಿದ್ದಾರೆ. 

ಎ.4-5ರ ನಡುವಿನ ರಾತ್ರಿ ಅಪಹೃತನಾಗಿದ್ದ ಮನ್‌ಜೂರ್‌ನನ್ನು ಉಗ್ರರು ಶಿರಚ್ಛೇದನ ಮಾಡಿದ್ದಾರೆ; ಅಮಾಯಕರನ್ನು ಹೀಗೆ ತಲೆ ಕಡಿದು ಅವರ ದೇಹವನ್ನು ಎಸೆಯುವ ಮೂಲಕ ಉಗ್ರರು ರಾಕ್ಷಸೀ ಪ್ರವೃತ್ತಿ ತೋರಿದ್ದಾರೆ ಎಂದು ಝುಲ್‌ಫಿಕರ್‌ ಹೇಳಿದರು.