Road Mishap ವಿಟ್ಲ: ರಿಕ್ಷಾಗಳ ಮುಖಾಮುಖಿ ಢಿಕ್ಕಿ ; ಓರ್ವ ಸಾವು, 8 ಪ್ರಯಾಣಿಕರಿಗೆ ಗಾಯ

ವಿಟ್ಲ: ವಿಟ್ಲದಿಂದ ಅಳಿಕೆಗೆ ತೆರಳುವ ರಸ್ತೆಯ ಪಡಿಬಾಗಿಲು ದ್ವಾರದ ಬಳಿ ಎರಡು ರಿಕ್ಷಾಗಳು ಮುಖಾಮುಖಿ ಢಿಕ್ಕಿಯಾಗಿ ಓರ್ವ ಪ್ರಯಾಣಿಕ ಸಾವನ್ನಪ್ಪಿದ್ದು, ಹಲವರು ಗಾಯಗೊಂಡಿದ್ದಾರೆ.

ಮಡಿಯಾಲ ನಿವಾಸಿ ಅಮ್ಮು ಮೂಲ್ಯ (69) ಮೃತಪಟ್ಟವರು. ರಿಕ್ಷಾ ಚಾಲಕರಾದ ಎರುಂಬು ನಿವಾಸಿ ಹಮೀದ್‌ (65), ಪಡಿಬಾಗಿಲು ನಿವಾಸಿ ರವಿಕುಮಾರ್‌ (45), ಪ್ರಯಾಣಿಕರಾದ ಪಡಿಬಾಗಿಲು ಆಸುಪಾಸಿನ ನಿವಾಸಿ ಗಳಾದ ವೀಣಾ (45), ರಮಾ (56), ಝೋರಾ (42), ಸಾಯಿ ಕೃತಿ (26), ಶರ್ಮಿಳಾ (42), ಝಮೀರ್‌ (13) ಗಾಯಗೊಂಡಿದ್ದಾರೆ.

ಎರುಂಬು ನಿವಾಸಿ ಹಮೀದ್‌ ಎರುಂಬು, ಪಡಿಬಾಗಿಲು ನಿವಾಸಿ ರವಿ ಪಡಿಬಾಗಿಲು ಅವರ ರಿಕ್ಷಾಗಳಾಗಿವೆ. ನೇರ ರಸ್ತೆಯಲ್ಲಿ ಢಿಕ್ಕಿ ಸಂಭವಿಸಿದ್ದು, ಒಂದು ರಿಕ್ಷಾ ರಸ್ತೆ ಬದಿಯ ಚರಂಡಿಗೆ ಬಿದ್ದಿದೆ.