ಬಳ್ಕೂರು ಗದ್ದೆ ಬಯಲಿನಲ್ಲಿ ಅಪಾಯಕಾರಿ ವಿದ್ಯುತ್‌ ತಂತಿ

ಬಸ್ರೂರು: ಬಳ್ಕೂರು ಗ್ರಾಮದ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ – ಉತ್ತರ ಭಾಗದಲ್ಲಿರುವ ಬಯಲು ಗದ್ದೆಗಳ ಮೇಲಿನಿಂದ 35 ವರ್ಷಗಳ ಹಳೆಯದಾದ ಹೈಟೆನ್ಶನ್‌ ಸರ್ವಿಸ್‌ ವಯರ್‌ ಹಾದು ಹೋಗಿದ್ದು ಪದೇ ಪದೇ ತಂತಿ ತುಂಡಾಗಿ ಗದ್ದೆಯ ಮೇಲೆ ಬೀಳುತ್ತಿದೆ!

ಗದ್ದೆಗಳಲ್ಲಿ ರೈತರು ಬೇಸಾಯದಲ್ಲಿ ನಿರತರಾಗಿರುವ ಸಂದರ್ಭದಲ್ಲಿ ಈ ರೀತಿ ವಿದ್ಯುತ್‌ ತಂತಿ ತುಂಡಾಗಿ ಬಿದ್ದರೆ ಅಪಾಯ ಕಟ್ಟಿಟ್ಟ ಬುತ್ತಿ. ಸಂಬಂಧಿಸಿದ ಅಧಿಕಾರಿಗಳ ಗಮನಕ್ಕೆ ತಂದರೂ ಇದಕ್ಕೆ ಸೂಕ್ತ ಪರಿಹಾರ ಸಿಕ್ಕಿಲ್ಲ ಎನ್ನುವುದು ಸಾರ್ವಜನಿಕರ ಅಳಲು.

ಈ ಬಗ್ಗೆ ವಿದ್ಯುತ್‌ ಇಲಾಖೆ ತಕ್ಷಣ ಸೂಕ್ತ ಪರಿಹಾರ ಒದಗಿಸಬೇಕು ಎಂದು ಗ್ರಾಮಸ್ಥರು ಆಗ್ರಹಿಸಿದ್ದಾರೆ.