Hasan: ಪೆನ್‌ಡ್ರೈವ್‌ ಹಂಚಿದವರ ಪತ್ತೆಗೆ ಸಿಸಿ ಕೆಮರಾ ಪರಿಶೀಲನೆ

ಹಾಸನ: ಸಂಸದ ಪ್ರಜ್ವಲ್‌ಗೆ ಸಂಬಂಧಿಸಿದ್ದು ಎನ್ನಲಾದ ಅಶ್ಲೀಲ ವೀಡಿಯೋಗಳಿರುವ ಪೆನ್‌ಡ್ರೈವ್ ಹಂಚಿಕೆ ಆರೋಪದಡಿ ಜಿಲ್ಲೆಯ ಒಟ್ಟು 18 ಕಡೆ ಎಸ್‌ಐಟಿ ತಂಡ ನಡೆಸಿದೆ. ಈ ವೇಳೆ ಆರೋಪಿಗಳ  ನಿವಾಸ ಹಾಗೂ ಕಚೇರಿಯಿಂದ ಪೆನ್‌ಡ್ರೈವ್, ಹಾರ್ಡ್‌ಡಿಸ್ಕ್, ಕಂಪ್ಯೂಟರ್‌ಗಳನ್ನು  ವಶಪಡಿಸಿಕೊಂಡಿದೆ ಎಂಬ ಮಾಹಿತಿ ಲಭ್ಯವಾಗಿದೆ.

7 ಪೆನ್‌ಡ್ರೈವ್, 6 ಹಾರ್ಡ್‌ಡಿಸ್ಕ್,  4 ಲ್ಯಾಪ್‌ಟಾಪ್‌,  3 ಡೆಸ್ಕ್ಟಾಪ್‌ಗ್ಳು ಸಹಿತ ಹಲವು ಸಿಸಿಕೆಮರಾಗಳನ್ನೂ ಎಸ್‌ಐಟಿ ತಂಡ ವಶಕ್ಕೆ ಪಡೆದುಕೊಂಡಿದೆ. ವಶಪಡಿಸಿಕೊಂಡ ಎಲೆಕ್ಟ್ರಾನಿಕ್‌ ಹಾರ್ಡ್‌ ಡಿಸ್ಕ್ ಗಳಲ್ಲಿ  ವೀಡಿಯೋಗಳು ಸಂಗ್ರಹವಾಗಿದ್ದವೆ?  ಸಂಗ್ರಹವಾಗಿದ್ದು ಡಿಲೀಟ್‌ ಆಗಿವೆಯೇ  ಎಂಬುದರ ಬಗ್ಗೆ  ಪರಿಶೀಲನೆಗೆ ಎಫ್ಎಸ್‌ಎಲ್‌ಗೆ ಕಳುಹಿಸಲಾಗಿದೆ ಎಂದು ತಿಳಿದು ಬಂದಿದೆ.

ಮುಖ್ಯವಾಗಿ ಕೆಲವರ ಚಲನವಲನಗಳ ಬಗ್ಗೆ ಕೆಮರಾಗಳನ್ನು ಎಸ್‌ಐಟಿ ತಂಡ ಪರಿಶೀಲಿಸುತ್ತಿದೆ ಎನ್ನಲಾಗಿದ್ದು, ಮೊದಲು ಕಂಪ್ಯೂಟರ್‌ಗೆ ಕಾಪಿ ಮಾಡಿ ಬೇರೆ ಬೇರೆ ಮೊಬೈಲ್‌ಗ‌ಳಿಗೆ ಹಲವರು ಕಾಪಿ ಮಾಡಿಕೊಂಡು ಹೋಗಿರುವ ಮಾಹಿತಿ ಇದೆ. ಕಾಪಿ ಮಾಡಲು ಬಂದು ಹೋದವರ ಬಗ್ಗೆಯೂ ತನಿಖಾ ತಂಡ ಮಾಹಿತಿ ಕಲೆ ಹಾಕುತ್ತಿದೆ.