ಹಾರ್ವರ್ಡ್‌ ವಿವಿ ವಿರುದ್ಧ ತನಿಖೆ

ವಾಷಿಂಗ್ಟನ್‌: ಜಗತ್ತಿನ ಪ್ರಸಿದ್ಧ ವಿವಿಗಳಾಗಿರುವ ಹಾರ್ವರ್ಡ್‌, ಯೇಲ್‌ ವಿರುದ್ಧ ಅಮೆರಿಕದ ಶಿಕ್ಷಣ ಸಚಿವ ತನಿಖೆಗೆ ನಿರ್ಧರಿಸಿದೆ. ವಿದೇಶಿ ಸರಕಾರಗಳಿಂದ ಪಡೆದ ದೇಣಿಗೆಗಳ ಬಗ್ಗೆ ಮಾಹಿತಿ ನೀಡದೇ ಇರುವ ಹಿನ್ನೆಲೆಯಲ್ಲಿ ಈ ಕ್ರಮಕ್ಕೆ ನಿರ್ಧರಿಸಲಾಗಿದೆ.

ಚೀನಾ, ಇರಾನ್‌, ರಷ್ಯಾ, ಕತಾರ್‌ ಮತ್ತು ಸೌದಿ ಅರೇಬಿಯಾಗಳಿಂದ 375 ಮಿಲಿಯನ್‌ ಡಾಲರ್‌ ಮೊತ್ತದಷ್ಟು ದೇಣಿಗೆಯನ್ನು ಅವೆರಡು ವಿವಿಗಳು ಪಡೆದಿದ್ದವು. ಯೇಲ್‌ ವಿವಿಗೆ ಸಂಬಂಧಿಸಿದಂತೆ 2014, 2015, 2016 ಮತ್ತು 2017ರಲ್ಲಿ ಪಡೆದುಕೊಂಡ ದೇಣಿಗೆಯ ವಿವರಗಳ ಬಗ್ಗೆ ಕೇಳಿ ಪತ್ರ ಬರೆಯಲಾಗಿದೆ.