ಕೋವಿಡ್ ಲಸಿಕೆ ಬಿಡಗಡೆಗೆ ದಿನಾಂಕ ನಿಗದಿಯಾಗಿಲ್ಲ : ಆರೋಗ್ಯ ಸಚಿವ ಹರ್ಷವರ್ಧನ್ ಸ್ಪಷ್ಟನೆ

ನವದಹೆಲಿ : ಕೋವಿಡ್ ಲಸಿಕೆಯನ್ನು ಪ್ರಯೋಗಿಸುವುದರ ಬಗ್ಗೆ ನಮ್ಮಲ್ಲಿ ಇದುವರೆಗೆ ಯಾವುದೇ ನಿರ್ದಿಷ್ಟ ದಿನಾಂಕ ಪ್ರಕಟವಾಗಿಲ್ಲ. 2021 ರ ಮಾರ್ಚ್ ತಿಂಗಳೊಳಗೆ ಲಸಿಕೆಯನ್ನು ಪ್ರಯೋಗಿಸುವುದರ ಸಾದ್ಯತೆಯಿದೆ ಎಂದು ಕೇಂದ್ರ ಆರೋಗ್ಯ ಸಚಿವ ಹರ್ಷವರ್ಧನ್ ಕೋವಿಡ್ ಲಸಿಕೆಯ ಕುರಿತ ಮಹತ್ವದ ಹೇಳಿಕೆಯನ್ನು ನೀಡಿದ್ದಾರೆ.

‘ಸಂಡೇ ಸಂವಾದ್ ‘ ಕಾರ್ಯಕ್ರಮದ ಮೊದಲ ಕಂತಿನಲ್ಲಿ ಮಾತಾನಾಡಿದ ಅವರು ಕೋವಿಡ್ ಲಸಿಕೆಯ ಅಬಿವೃದ್ಧಿಯ ಕುರಿತು ಹೇಳಿದ್ದಾರೆ. ಭಾರತದಲ್ಲಿ ಕೋವಿಡ್ ಲಸಿಕೆಯನ್ನು ಪ್ರಯೋಗ ಮಾಡುವುದರ ಕುರಿತು ಇದುವರಗೆ ಯಾವುದೇ ದಿನಾಂಕ ನಿಗದಿಯಾಗಿಲ್ಲ,2021 ರ ಮಾರ್ಚ್ ವೇಳೆಗೆ ಲಸಿಕೆಯನ್ನು ಪ್ರಯೋಗಿಸುವ ಸಾದ್ಯತೆಯನ್ನು ಅವರು ಅಂದಾಜಿಸಿದ್ದಾರೆ.ಲಸಿಕೆಯನ್ನು ಪ್ರಯೋಗಿಸುವಾಗ ಎಲ್ಲಾ ಮುನ್ನೆಚ್ಚರಿಕೆ ಕ್ರಮವನ್ನು ತೆಗೆದುಕೊಳ್ಳಲಾಗುತ್ತದೆ.ಲಸಿಕೆ ಲಭ್ಯವಾಧ ಕೊಡಲೇ ತೀರಾ ಅಗತ್ಯವಿದ್ದವವರಿಗೆ ಮೊದಲು ನೀಡಲಾಗುತ್ತದೆ ಎಂದರು.

ತೀರಾ ಅಗತ್ಯವಾದ್ದಲ್ಲಿ ಲಸಿಕೆಯ ತುರ್ತು ಬಳಕೆಯ ಅನುಮತಿ ಕುರಿತು ಸರ್ಕಾರ ಚಿಂತನೆ ನಡೆಸಿದೆ. ಮೂರನೇ ಹಂತದ ಪರೀಕ್ಷೆಗೆ 6- 9 ತಿಂಗಳು ಬೇಕಾಗುತ್ತದೆ. ಒಂದು ವೇಳೆ ತುರ್ತು ಬಳಕೆಗೆ ಅನುಮತಿಸಿ ನೀಡಿದಲ್ಲಿ ಈ ಅವಧಿ ಕಡಿಮೆಯಾಗಲಿದೆ. ಆದರೆ, ಲಸಿಕೆ ಸುರಕ್ಷತೆ ಬಗ್ಗೆ ಯಾವುದೇ ರಾಜಿ ಮಾಡಿಕೊಳ್ಳಲಾಗುವುದಿಲ್ಲ ಎಂದು ಅವರು ಸ್ಪಷ್ಟಪಡಿಸಿದರು. ಲಸಿಕೆಯ ಬಗ್ಗೆ ಜನರಿಗೆ ನಂಬಿಕೆಯ ಕೊರತೆ ಇದ್ದರೆ ತಾನು ಮುಂದೆ ಬಂದು ಲಸಿಕೆಯನ್ನು ಪಡೆಯುವುದಾಗಿ ಅವರು ಹೇಳಿದ್ದಾರೆ.