ಬರಲಿದೆ ಕೈಗೆಟಕುವ ದರದಲ್ಲಿ ‘ಬೇಬಿ ಹರ್ಲೆ’

ಹೊಸದಿಲ್ಲಿ: ಭಾರತ ಮತ್ತು ಚೀನ ಮಾರುಕಟ್ಟೆಗಳನ್ನು ಕೇಂದ್ರೀಕರಿಸಿ ಅಮೆರಿಕದ ಹರ್ಲೆ ಡೇವಿಡ್‌ಸನ್‌ ಮತ್ತು ಚೀನದ ಮೋಟರ್‌ ಸೈಕಲ್‌ ಕಂಪೆನಿ ಕ್ವಿಯಾನ್‌ಜಿಯಾಂಗ್‌ (Qianjiang) ಕೈಗೆಟಕುವ ದರದಲ್ಲಿ ಹರ್ಲೆ ಡೇವಿಡ್‌ಸನ್‌ ಬೈಕ್‌ಗಳನ್ನು ಉತ್ಪಾದಿಸಲು ನಿರ್ಧರಿಸಿವೆ.

ಹೊಸ ಮಾದರಿಯ ಮೋಟರ್‌ ಸೈಕಲ್‌ 338 ಸಿಸಿ ಎಂಜಿನ್‌ ಹೊಂದಿರುವ ಸಾಧ್ಯತೆ ಇದೆ. ಹೊಸ ಮಾದರಿಯ ಬೈಕ್‌ ಅನ್ನು ‘ಬೇಬಿ ಹರ್ಲೆ’ ಎಂದು ಕರೆಯಲಾಗುತ್ತಿದೆ. ಇತ್ತೀಚೆಗೆ ಎರಡೂ ಕಂಪೆನಿಗಳ ಆಡಳಿತ ಮಂಡಳಿಗಳು ಈ ಬಗ್ಗೆ ಸಹಮತಕ್ಕೆ ಬಂದಿವೆ ಎಂದು ಹೇಳಲಾಗಿದೆ.