ಹಾರ್ದಿಕ್‌ ಪಾಂಡ್ಯ ನನಗಿಂತ ಉತ್ತಮ ಆಟಗಾರ: ಕಪಿಲ್‌ದೇವ್‌

ಹೊಸದಿಲ್ಲಿ: ಭರ್ಜರಿ ಫಾರ್ಮ್ನಲ್ಲಿರುವ ಭಾರತ ತಂಡದ ಆಲ್‌ರೌಂಡರ್‌ ಹಾರ್ದಿಕ್‌ ಪಾಂಡ್ಯ ಬಗ್ಗೆ ಭಾರೀ ಪ್ರಶಂಸೆಗಳು ವ್ಯಕ್ತವಾಗುತ್ತಿವೆ. ಕಪಿಲ್‌ದೇವ್‌ ಅನಂತರ ಭಾರತ ತಂಡಕ್ಕೆ ಲಭಿಸಿದ ಶ್ರೇಷ್ಠ ಆಲ್‌ರೌಂಡರ್‌ ಎಂಬ ಮಾತುಗಳು ಕೇಳಿಬರುತ್ತಿವೆ. ಆದರೆ ಈಗ ಮಾಜಿ ಕ್ರಿಕೆಟಿಗ ಕಪಿಲ್‌ದೇವ್‌ ಕೂಡ ಹಾರ್ದಿಕ್‌ ಪಾಂಡ್ಯ ನನಗಿಂತ ಉತ್ತಮ ಆಟಗಾರ ಎಂದು ಪ್ರಶಂಸಿಸಿದ್ದಾರೆ.

ಸಮರ್ಥ ಬೌಲರ್‌ ಕೂಡ ಆಗಿರುವ ಪಾಂಡ್ಯ ಎದುರಾಳಿಗಳ ಮಹತ್ವದ ವಿಕೆಟ್‌ ಉದುರಿಸುವಲ್ಲಿ ಯಶಸ್ವಿಯಾಗುತ್ತಿದ್ದಾರೆ. ಬ್ಯಾಟಿಂಗ್‌ನಲ್ಲಿ ಸ್ಫೋಟಕ ಆಟವಾಡುವ ಮೂಲಕ ಎದುರಾಳಿಗಳಿಂದ ಪಂದ್ಯವನ್ನು ಕಸಿಯುತ್ತಿದ್ದಾರೆ. ಪ್ರಸಕ್ತ ಆಸ್ಟ್ರೇಲಿಯ ಸರಣಿಯಲ್ಲಿ ಮೊದಲನೇ ಏಕದಿನ ಪಂದ್ಯದಲ್ಲಿ 83 ರನ್‌, 2ನೇ ಏಕದಿನ ಪಂದ್ಯದಲ್ಲಿ 20 ರನ್‌, 3ನೇ ಏಕದಿನ ಪಂದ್ಯದಲ್ಲಿ 78 ರನ್‌ ಬಾರಿಸಿದ್ದಾರೆ. ಕೆಲವು ವಿಕೆಟ್‌ ಕೂಡ ಉರುಳಿಸಿ ಗೆಲುವಿನ ರೂವಾರಿಯಾಗಿ ಕಾಣಿಸಿಕೊಂಡಿದ್ದಾರೆ.