ಅಂಬಾನಿ ಪಾರ್ಟಿಯಲ್ಲಿ ಹರ್ಭಜನ್‌, ಪತ್ನಿ, ಮಗಳು

ಮುಂಬೈ: ಮುಂಬೈ ಇಂಡಿಯನ್ಸ್‌ ಫ್ರಾಂಚೈಸಿ ಐಪಿಎಲ್‌ಗೆ ಪ್ರವೇಶಿಸಿ 10 ವರ್ಷದ ಸಂಭ್ರಮದ ಹಿನ್ನೆಲೆಯಲ್ಲಿ ತಂಡದ ಮಾಲೀಕರಾದ ಮುಕೇಶ್‌ ಅಂಬಾನಿ ಮತ್ತು ನೀತಾ ಅಂಬಾನಿ ತಮ್ಮ ತಂಡದ ಆಟಗಾರರಿಗೆ, ಸಿಬ್ಬಂದಿಗೆ ಪಾರ್ಟಿ ಕೊಟ್ಟಿದ್ದಾರೆ.ಪಾರ್ಟಿಗೆ ಹರ್ಭಜನ್‌ ಸಿಂಗ್‌ ತಮ್ಮ ಪತ್ನಿ ಗೀತಾ ಬಸ್ರಾ, ಮಗಳ ಜತೆ ಆಗಮಿಸಿದ್ದರು. ಈ ಪಾರ್ಟಿಯಲ್ಲಿ ಆಕರ್ಷಕವಾಗಿ ಕಂಡುಬಂದಿದ್ದು ಹರ್ಭಜನ್‌ ಸಿಂಗ್‌ ಪುಟ್ಟ ಮಗಳು ಹಿನಯ.ಮುದ್ದಾದ ಮಗುವನ್ನು ನೋಡಿದ ಇತರರು ಎಲ್ಲರೂ ಪ್ರೀತಿಯಿಂದ ಮಾತನಾಡಿಸಿದ್ದಾರೆ.

ಉಳಿದಂತೆ ಮುಂಬೈ ತಂಡದ ಆಟಗಾರರು, ಕೋಚ್‌ಗಳು, ಮಾಜಿ ಆಟಗಾರ ಸಚಿನ್‌ ತೆಂಡುಲ್ಕರ್‌, ಶಿಖರ್‌ ಧವನ್‌ ಸೇರಿದಂತೆ ಹಲವು ಕ್ರಿಕೆಟಿಗರು ಮತ್ತು ಬಾಲಿವುಡ್‌ ಸ್ಟಾರ್‌ ದೀಪಿಕಾ ಪಡುಕೋಣೆ, ಜಾನ್‌ ಅಬ್ರಾಹಂ ಪಾಲ್ಗೊಂಡಿದ್ದರು.