ಸಿಂಗಾಪುರದಲ್ಲಿ ಯುವತಿಯರಿಗೆ ಕಿರುಕುಳ: ಭಾರತೀಯ ಮೂಲದ ಬಾಣಸಿಗನಿಗೆ ಶಿಕ್ಷೆ

ಸಿಂಗಾಪುರ: ಭಾರತೀಯ ಮೂಲದ ಬಾಣಸಿಗನೊಬ್ಬ ಸಿಂಗಾಪುರದಲ್ಲಿ ಇಬ್ಬರು ಯುವತಿಯರಿಗೆ ಕಿರುಕುಳ ನೀಡಿರುವ ಆರೋಪದ ಮೇಲೆ ಶಿಕ್ಷೆಗೊಳಗಾಗಿದ್ದು, ಎರಡೂ ಪ್ರಕರಣಗಳಲ್ಲಿ ಆತ ತಪ್ಪೊಪ್ಪಿಕೊಂಡಿರುವ ಹಿನ್ನೆಲೆ 3 ತಿಂಗಳು ಹಾಗೂ 4 ವಾರಗಳ ಶಿಕ್ಷೆಗೆ ಗುರಿಪಡಿಸಲಾಗಿದೆ.

ಶಿಕ್ಷೆಗೊಳಪಟ್ಟ ವ್ಯಕ್ತಿಯನ್ನು ಸುಶೀಲ್‌ ಕುಮಾರ್‌ ಎಂದು ಗುರುತಿಸಲಾಗಿದ್ದು, ಆತ ಓರ್ವ ಯುವತಿಯನ್ನು ರಸ್ತೆಯಲ್ಲಿ ಅಡ್ಡಗಟ್ಟಿ, ಆಲಿಂಗಿಸಿ ಬಲವಂತವಾಗಿ ಚುಂಬಿಸಿದ್ದಾನೆ. ಲಿಫ್ಟ್ನಲ್ಲಿ ಇನ್ನೋರ್ವ ಯುವತಿಯ ಜತೆಗೆ ಅಸಭ್ಯವಾಗಿ ವರ್ತಿಸಿದ್ದಾನೆ ಎನ್ನಲಾಗಿದೆ. ಈ ಹಿನ್ನೆಲೆಯಲ್ಲಿ ಪ್ರಕರಣಗಳು ದಾಖಲಾಗಿದ್ದವು ಎಂದು ಪೊಲೀಸ್‌ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.