ದೇಶಕ್ಕೆ ಸ್ವಾತಂತ್ರ್ಯ ಲಭಿಸಿ 75 ವರ್ಷ ಪೂರ್ಣ: ಲಂಡನ್‌ನಲ್ಲಿ ಹಂಪಿ ಫೋಟೋ ಪ್ರದರ್ಶನ

ಲಂಡನ್‌: ದೇಶಕ್ಕೆ ಸ್ವಾತಂತ್ರ್ಯ ಲಭಿಸಿ 75 ವರ್ಷಗಳು ಪೂರ್ಣಗೊಂಡ ಹಿನ್ನೆಲೆಯಲ್ಲಿ ಲಂಡನ್‌ನಲ್ಲಿರುವ ಬ್ರಿಟಿಷ್‌ ಲೈಬ್ರೆರಿಯಲ್ಲಿ ಕರ್ನಾಟಕದ ಹಂಪಿಯ ಬಗ್ಗೆ ವಿಶೇಷ ಫೋಟೋ ಪ್ರದರ್ಶನ ಆಯೋಜಿಸಲಾಗಿತ್ತು. 1875ರಿಂದ 1970ರ ನಡುವೆ ತೆಗೆಯಲಾಗಿದ್ದ ಫೋಟೋಗಳನ್ನು ಅಲ್ಲಿ ಪ್ರದರ್ಶಿಸಲಾಯಿತು. ಖ್ಯಾತ ಛಾಯಾಗ್ರಾಹಕ ರಘು ರಾಯ್‌ ತೆಗೆದಿರುವ ಫೋಟೋಗಳನ್ನೂ ಅಲ್ಲಿ ಪ್ರದರ್ಶಿಸಲಾಗಿದೆ.

ಈ ಸಂದರ್ಭದಲ್ಲಿ ಮಾತನಾಡಿದ ಲಂಡನ್‌ನಲ್ಲಿ ಇರುವ ಭಾರತದ ಹೈಕಮಿಷನರ್‌ ವಿಕ್ರಮ್‌ ದೊರೈಸ್ವಾಮಿ “ಇತಿಹಾಸ ಕಾಲದಲ್ಲಿ ಹಂಪಿಗೆ ಭೇಟಿ ನೀಡಿದ್ದ ಇಟೆಲಿಯ ಪ್ರವಾಸಿಗನೊಬ್ಬ ಅದೊಂದು ಅತ್ಯಂತ ಅದ್ಭುತ ನಗರ ಎಂದು ಹೇಳಿಕೊಂಡಿದ್ದ’ ಎಂದು ಪ್ರತಿಪಾದಿಸಿದ್ದರು.

ಆ ಕಾಲಕ್ಕೇ ನಗರಗಳನ್ನು ಅತ್ಯಂತ ಯೋಜನಾ ಬದ್ಧವಾಗಿ ನಿರ್ಮಾಣ ಮಾಡಲಾಗಿತ್ತು ಎಂದರು. ಲಂಡನ್‌ನಲ್ಲಿ ಇರುವ ಬ್ರಿಟಿಷ್‌ ಲೈಬ್ರೆರಿಯ ದೃಶ್ಯ ವಿಭಾಗದ ಮುಖ್ಯಸ್ಥೆ ಮಾಲಿನಿ ರಾಯ್‌ ಫೋಟೋ ಪ್ರದರ್ಶನದ ಏರ್ಪಾಡು ಮಾಡಿದ್ದರು.

ಇದನ್ನೂ ಓದಿ: ಕುಲಾಧಿಪತಿ ಸ್ಥಾನದಿಂದ ರಾಜ್ಯಪಾಲರಿಗೆ ಮುಕ್ತಿ: ವಿಧೇಯಕಕ್ಕೆ ಒಪ್ಪಿಗೆ