Dope test; ದ್ರವ್ಯ ಪರೀಕ್ಷೆಯಲ್ಲಿ ಸಿಕ್ಕಿ ಬಿದ್ದ ರಚನಾ

ಹೊಸದಿಲ್ಲಿ: ಹ್ಯಾಂಗ್‌ಝೂ ಏಷ್ಯನ್‌ ಗೇಮ್ಸ್‌ನ ಹ್ಯಾಮರ್‌ ಎಸೆತ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದ ಭಾರತದ ರಚನಾ ಕುಮಾರಿ ಅವರು ಗೇಮ್ಸ್‌ ಆರಂಭಕ್ಕೆ ಮೊದಲು ಇಂಟರ್‌ನ್ಯಾಶನಲ್‌ ಫೆಡರೇಶನ್‌ನ ಆ್ಯತ್ಲೆಟಿಕ್ಸ್‌ ಸಮಗ್ರತೆ ಘಟಕ (ಎಐಯು) ನಡೆಸಿದ ದ್ರವ್ಯ ಪರೀಕ್ಷೆಯಲ್ಲಿ ಸಿಕ್ಕಿಬಿದ್ದಿದ್ದಾರೆ. ಹೀಗಾಗಿ ಅವರನ್ನು ತಾತ್ಕಾಲಿಕವಾಗಿ ಅಮಾನತುಗೊಳಿಸಲಾಗಿದೆ.

30ರ ಹರೆಯದ ರಚನಾ ಅವರ ಮೂತ್ರದ ಮಾದರಿಯನ್ನು ಪರೀಕ್ಷಿಸಿ ದಾಗ ನಿಷೇಧಿತ ದ್ರವ್ಯ ಸೇವಿಸಿರುವುದು ಪತ್ತೆಯಾಗಿದೆ. ಈ ಸಂಬಂಧ ಅವರಿಗೆ ನೋಟಿಸ್‌ ಜಾರಿಗೊಳಿಸಲಾಗಿದೆ. ಪಟಿ ಯಾಲದಲ್ಲಿ ಕಳೆದ ಸೆ. 24ರಂದು ವಿದೇಶಿ ದ್ರವ್ಯ ಪರೀಕ್ಷಾ ಸಂಸ್ಥೆಯೊಂದಕ್ಕೆ ಅವರು ಮೂತ್ರದ ಮಾದರಿಯನ್ನು ನೀಡಿದ್ದರು.