ಸುಖೋಯ್‌ ಫೈಟರ್‌ ಜೆಟ್‌ ಪತನ :ಪೈಲಟ್‌ಗಳಿಬ್ಬರು ಪಾರು 

ನಾಶಿಕ್‌:ಇಲ್ಲಿ ಬುಧವಾರ ನಿರ್ಮಾಣ ಹಂತದ ಸುಖೋಯ್‌ ಎಸ್‌ಯು 30 ಫೈಟರ್‌ ಜೆಟ್‌ ಪತನವಾಗಿದ್ದು, ಅದೃಷ್ಟವಷಾತ್‌ ಇಬ್ಬರು ಪೈಲಟ್‌ಗಳು ಪಾರಾಗಿದ್ದಾರೆ.

ಎಚ್‌ಎಎಲ್‌ ವಿಮಾನದ ಪ್ರಾಯೋಗಿಕ ಪರೀಕ್ಷೆಯನ್ನು ನಡೆಸುತ್ತಿದ್ದು, ಈ ವೇಳೆ ಅವಘಡ ಸಂಭವಿಸಿದೆ. ಈ ವಿಮಾನವನ್ನು ಭಾರತೀಯ ವಾಯುಪಡೆಗೆ ಹಸ್ತಾಂತರಿಸಬೇಕಿತ್ತು. 

ಪಾರಾಗಿರುವ ಪೈಲಟ್‌ಗಳಲ್ಲಿ ಒಬ್ಬರು ವಾಯುಪಡೆಯ ಅಧಿಕಾರಿಯಾಗಿದ್ದು, ಇನ್ನೋರ್ವರು ನಿವೃತ್ತ ವಾಯುಪಡೆಯ ಸಿಬಂದಿಯಾಗಿದ್ದಾರೆ. 

ಪತನವಾದ ಸ್ಥಳಕ್ಕೆ ವಾಯುಪಡೆ ಸಿಬಂದಿಗಳು ಮತ್ತು ಅಧಿಕಾರಿಗಳು ದೌಡಾಯಿಸಿದ್ದಾರೆ.