ಗಟಾರ ಕಾಮಗಾರಿ ಕಳಪೆ

ಯಲ್ಲಾಪುರ: ಪಟ್ಟಣ ಪಂಚಾಯತ್‌ ವ್ಯಾಪ್ತಿಯ ಮಚ್ಚಿಗಲ್ಲಿಯಲ್ಲಿ ಪಪಂ ಅನುದಾನದಲ್ಲಿ ಪಕ್ಕಾ ಗಟಾರ ನಿರ್ಮಿಸಿ ಸ್ಲ್ಯಾಬ್‌ ಅಳವಡಿಸಲಾಗಿದೆ. ಆದರೆ ಕಾಮಗಾರಿ ಮುಗಿದು ವಾರದಲ್ಲೇ ಕಾಮಗಾರಿಯ ಕಳಪೆತನದ ಪ್ರದರ್ಶನವಾಗಿದೆ. ನೂತನವಾಗಿ ನಿರ್ಮಿಸಿದ ಗಟಾರ ಮೇಲೆ ವಾಹನ ಸಂಚರಿಸಿದಾಕ್ಷಣ ಗಟಾರ ಮೇಲಿನ ಸ್ಲಾಬ್‌ ಕುಸಿದು ಬಿದ್ದಿದೆ. ಆದರೆ ನೂತನವಾಗಿ ನಿರ್ಮಾಣಗೊಂಡ ಕಾಮಗಾರಿ ಹಾಳಾಗಿದೆ. ಇದು ಕಳಪೆತನಕ್ಕೆ ಹಿಡಿದ ಕನ್ನಡಿಯಾಗಿದ್ದು ಪಟ್ಟಣ ಪಂಚಾಯತದ ಅದೇಷ್ಟೋ ಕಾಮಗಾರಿಗಳು ಹೀಗೆ ಅಲ್ಲಲ್ಲಿ ಈ ತರಹದ ಕಳಪೆತನ ಪ್ರದರ್ಶಿಸಿದೆ. ಇಂತಹ ಕಾಮಗಾರಿಯ ವಿರುದ್ಧ ಧ್ವನಿ ಎತ್ತುವವರೆ ಇಲ್ಲವಾಗಿದ್ದು ನಗರದಲ್ಲಿ ಎಲ್ಲೆಲ್ಲೂ ಕಳಪೆತನವೇ ರಾರಾಜಿಸುತ್ತಿದೆ. ಇ ಪ್ರದೇಶದ ಜನಪ್ರತಿನಿಧಿಗಳು ಮೌನವಹಿಸಿರುವುದೇಕೆ ಎಂಬ ಪ್ರಶ್ನೆ ಸಾರ್ವಜನಿಕರನ್ನು ಕಾಡಿದೆ.