ಮರ್ಸಿಡಿಸ್‌ ಕಾರು ಗಿಫ್ಟ್

ನವದೆಹಲಿ: ಇತ್ತೀಚೆಗೆ ತಮ್ಮ ಕಂಪನಿಯ ಉದ್ಯೋಗಿಗಳಿಗೆ ವರ್ಷಕ್ಕೊಮ್ಮೆ ಕಾರು, ಭರ್ಜರಿ ಬೋನಸ್‌, ಫ್ಲಾಟ್‌ಗಳನ್ನು ನೀಡಿ ಸುದ್ದಿಯಾಗಿದ್ದ ಸೂರತ್‌ನ ಉದ್ಯಮಿ ಸಾವಿ ಢೊಲಾಕಿಯಾ ಅವರು, ಈ ಬಾರಿ ತಮ್ಮ ಕಂಪನಿಯಲ್ಲಿ 25 ವರ್ಷ ಸೇವೆ ಸಲ್ಲಿಸಿದ ಮೂವರು ಉದ್ಯೋಗಿಗಳಿಗೆ ತಲಾ 1 ಕೋಟಿ ರೂ. ಮೌಲ್ಯದ ಮರ್ಸಿಡಿಸ್‌ ಎಸ್‌ಯುವಿ ಕಾರುಗಳನ್ನು ಉಡುಗೊರೆಯಾಗಿ ನೀಡಿದ್ದಾರೆ.  ಶುಕ್ರವಾರ ಸೂರತ್‌ನಲ್ಲಿ ಆಯೋಜಿಸಲಾಗಿದ್ದ ಕಾರ್ಯಕ್ರಮದಲ್ಲಿ ಮಧ್ಯಪ್ರದೇಶದ ರಾಜ್ಯಪಾಲರು ಹಾಗೂ ಗುಜರಾತ್‌ನ ಮಾಜಿ ಸಿಎಂ ಆನಂದಿಬೆನ್‌ ಪಟೇಲ್‌ ಅವರು, ಉಡುಗೊರೆ ವಿಜೇತ ಉದ್ಯೋಗಿಗಳಿಗೆ ಕಾರುಗಳ ಕೀಲಿಕೈ ಹಸ್ತಾಂತರಿಸಿದರು. 2017ರ ಹೊಸ ವರ್ಷದಂದು ತಮ್ಮ ಕಂಪನಿಯ ಎಲ್ಲಾ ಉದ್ಯೋಗಿಗಳಿಗೆ 1,200 ಡಾಟ್ಸನ್‌ ರೆಡಿ-ಗೋ ಹ್ಯಾಚ್‌ಬ್ಯಾಕ್‌ ಕಾರುಗಳನ್ನು ಉಡುಗೊರೆ ಯಾಗಿ ನೀಡಿದ್ದರು.