ದುಬಾೖನಲ್ಲಿ ಭಾರತೀಯನ ಗಿನ್ನೆಸ್‌ ದಾಖಲೆ

ದುಬಾೖ: ಅರಬ್‌ ಸಂಯುಕ್ತ ಸಂಸ್ಥಾನ (ಯುಎಇ)ದಲ್ಲಿ ಭಾರತೀಯ ಮೂಲದ ವ್ಯಕ್ತಿಯೊಬ್ಬರು ನಡೆಸುತ್ತಿರುವ ದತ್ತಿ ಸಂಸ್ಥೆಯೊಂದು ಗಿನ್ನೆಸ್‌ ದಾಖಲೆಯಲ್ಲಿ ಹೆಸರು ಗಿಟ್ಟಿಸಿಕೊಂಡಿದೆ. ಜೋಗಿಂದರ್‌ ಸಿಂಗ್‌ ಸಲಾರಿಯಾ ಸ್ಥಾಪಿಸಿರುವ ಪಿಸಿಟಿ ಹ್ಯುಮಾನಿಟಿ ಎಂಬ ದತ್ತಿ ಸಂಸ್ಥೆ ಈ ರಮ್ಜಾನ್‌ ಮಾಸದಂದು ಬಡವರಿಗಾಗಿ ಅವರ ಕಚೇರಿ ಎದುರು ಸಸ್ಯಾಹಾರಿ ರಮ್ಜಾನ್‌ ಇಫ್ತಾರ್‌ ಅನ್ನು ಏರ್ಪಡಿಸಿತ್ತು. ಹಸಿವು ನೀಗಿಸುವ ನಿಟ್ಟಿನಲ್ಲಿ ಈ ಕಾರ್ಯಕ್ರಮ ಹಮ್ಮಿಕೊಂಡಿತ್ತು. ಹಸಿವು ಪರಿಹಾರ ಕಾರ್ಯ ಕ್ರಮದ ಜಗತ್ತಿನ ಅತಿ ಉದ್ದನೆಯ ಸಾಲು ಎಂದು ಈ ಕಾರ್ಯಕ್ರಮ ಗಿನ್ನೆಸ್‌ ದಾಖಲೆಗೆ ಸೇರಿದೆ ಎಂದು ಗಲ್ಫ್ ನ್ಯೂಸ್‌ ವರದಿ ಮಾಡಿದೆ.