IPL; ಅಹ್ಮದಾಬಾದ್‌ನಲ್ಲಿ ಭಾರೀ ಮಳೆ: ಮುಳುಗಿತು ಗುಜರಾತ್‌ ಟೈಟಾನ್ಸ್‌ !

ಅಹ್ಮದಾಬಾದ್‌: ಅಹ್ಮದಾಬಾದ್‌ನಲ್ಲಿ ಭಾರೀ ಮಳೆಯಾದ ಕಾರಣ ಸೋಮವಾರದ ಗುಜರಾತ್‌ ಟೈಟಾನ್ಸ್‌ ಮತ್ತು ಕೋಲ್ಕತಾ ನೈಟ್‌ರೈಡರ್ ನಡುವಿನ ಐಪಿಎಲ್‌ ಪಂದ್ಯ ರದ್ದುಗೊಂಡಿದೆ. ಟಾಸ್‌ ಹಾರಿಸಲಿಕ್ಕೂ ಅವಕಾಶ ಲಭಿಸಲಿಲ್ಲ. ಇತ್ತಂಡಗಳಿಗೆ ಅಂಕವನ್ನು ಹಂಚಲಾಯಿತು. ಇದರಿಂದ ಗುಜರಾತ್‌ 2024ರ ಐಪಿಎಲ್‌ನಿಂದ ಹೊರಬಿತ್ತು.

ಗುಜರಾತ್‌ ಗೆಲ್ಲಲೇಬೇಕಾದ ಒತ್ತಡದಲ್ಲಿತ್ತು. ಈ ಫ‌ಲಿತಾಂಶದಿಂದ ಗಿಲ್‌ ಪಡೆಯ ಅಂಕ 11ಕ್ಕೆ ಏರಿದೆ. ಅದು ಇನ್ನೂ ಒಂದು ಪಂದ್ಯ ಆಡಲಿಕ್ಕಿದೆ. ಆಗ ಗರಿಷ್ಠ 13 ಅಂಕವಷ್ಟೇ ಆಗುವುದರಿಂದ ಗುಜರಾತ್‌ ಮುನ್ನಡೆಯ ಹಾದಿ ಮುಚ್ಚಲ್ಪಟ್ಟಿತು.

ಇದರಿಂದ ಕೆಕೆಆರ್‌ಗೆ ಯಾವುದೇ ಸಮಸ್ಯೆ ಆಗಲಿಲ್ಲ. ಅದು ಈಗಾಗಲೇ ಪ್ಲೇ ಆಫ್ ಪ್ರವೇಶಿಸಿದೆ. ಅಂಕ 19ಕ್ಕೆ ಏರಿದ್ದು, ಅಗ್ರಸ್ಥಾನ ಗಟ್ಟಿಗೊಂಡಿದೆ.