ಸೆಪ್ಟಂಬರ್‌ನಲ್ಲಿ 92,150 ಕೋಟಿ ರೂ. ಜಿಎಸ್‌ಟಿ ಸಂಗ್ರಹ

ಹೊಸದಿಲ್ಲಿ : ಕಳೆದ ಸೆಪ್ಟಂಬರ್‌ನಲ್ಲಿ 42.91 ಲಕ್ಷ ಉದ್ದಿಮೆಗಳಿಂದ ಸರಕಾರ, ಸರಕು ಮತ್ತು ಸೇವಾ ತೆರಿಗೆಯಾಗಿ 92,150 ಕೋಟಿ ರೂ.ಗಳನ್ನು ಸಂಗ್ರಹಿಸಿದೆ.

ಇದರಲ್ಲಿ 14,042 ಕೋಟಿ ರೂ. ಕೇಂದ್ರ ಜಿಎಸ್‌ಟಿ ಪಾಲು; 21,172 ಕೋಟಿ ರೂ. ರಾಜ್ಯ ಜಿಎಸ್‌ಟಿ ಪಾಲು.

ಸಂಯುಕ್ತ ಜಿಎಸ್‌ಟಿ ಸಂಗ್ರಶು 48,947 ಕೋಟಿ ರೂ.ಗಳಾಗಿದ್ದು ಇದರಲ್ಲಿ ಆಮದುಗಳ ಮೇಲಿನ ಜಿಎಸ್‌ಟಿ ಸಂಗ್ರಹವು 23,951 ಕೋಟಿ ರೂ.ಗಳಾಗಿರುತ್ತದೆ ಎಂದು ಹಣಕಾಸು ಸಚಿವಾಲಯ ಹೇಳಿದೆ. 

ಕಳೆದ ಜುಲೈ ಚೊಚ್ಚಲ ತಿಂಗಳಲ್ಲಿ 95,000 ಕೋಟಿ ರೂ. ಜಿಎಸ್‌ಟಿ ಸಂಗ್ರಹವಾಗಿತ್ತು. ಆಗಸ್ಟ್‌ ತಿಂಗಳಲ್ಲಿ ಸಂಗ್ರಹಗೊಂಡಿದ್ದ ಜಿಎಸ್‌ಟಿ ಮೊತ್ತ  91,000 ಕೋಟಿ ರೂ. ಜಿಎಸ್‌ಟಿ ಜಾರಿಗೆ ಬಂದ ಮೂರನೇ ತಿಂಗಳು ಸೆಪ್ಟಂಬರ್‌ ಆಗಿದೆ.