ಇಂಟರ್ನೆಟ್ ಸೆನ್ಸೇಷನ್‌ಆಗಿದ್ದ ಬೆಕ್ಕು ಇನ್ನಿಲ್ಲ

ವಾಷಿಂಗ್ಟನ್‌: ಇಂಟರ್‌ನೆಟ್‌ನಲ್ಲಿ ಗ್ರಂಪಿ ಕ್ಯಾಟ್ ಎಂದೇ ಜನಪ್ರಿಯವಾಗಿದ್ದ ಬೆಕ್ಕು ಸಾವನ್ನಪ್ಪಿದೆ. ಇನ್‌ಸ್ಟಾಗ್ರಾಮ್‌ನಲ್ಲಿ ಈ ಬೆಕ್ಕು 24 ಲಕ್ಷ ಫಾಲೋವರ್‌ಗಳನ್ನು ಹೊಂದಿತ್ತು. ಅಷ್ಟೇ ಅಲ್ಲ, ಒಮ್ಮೆ ಟಿವಿಯಲ್ಲಿ ವಿಶೇಷ ಕಾರ್ಯಕ್ರಮದಲ್ಲಿ ಹಾಗೂ ಸಿನಿಮಾದಲ್ಲಿ ಕಾಣಿಸಿ ಕೊಂಡಿತ್ತು. 2012ರಲ್ಲಿ ಒಮ್ಮೆ ಈ ಬೆಕ್ಕಿನ ವಿಶಿಷ್ಟ ಭಂಗಿಯ ಫೋಟೋ ವೈರಲ್ ಆದಾಗಿನಿಂದ ಇದು ಸೆಲೆಬ್ರಿಟಿ ಸ್ಟೇಟಸ್‌ ಪಡೆದಿತ್ತು. ಗ್ರಂಪಿ ಕ್ಯಾಟ್ ಹೆಸರಿನಲ್ಲಿ ಒಂದು ದೊಡ್ಡ ವಹಿವಾಟೇ ನಡೆಯುತ್ತಿದೆ. ಈ ಬೆಕ್ಕಿನ ಮುಖವನ್ನೇ ಹೋಲುವ ಕಾರ್ಟೂನ್‌ ಕ್ಯಾರೆಕ್ಟರ್‌ಗಳು, ಸ್ಟಿಕ್ಕರ್‌ಗಳೂ ಜನಪ್ರಿಯವಾಗಿವೆ. ಈ ಬೆಕ್ಕಿನ ಮಾಲೀಕರು ಸ್ಥಾಪಿಸಿದ ಗ್ರಂಪಿ ಕ್ಯಾಟ್ ಸಂಸ್ಥೆಯ ಮೌಲ್ಯ 2014ರಲ್ಲೇ 680 ಕೋಟಿ ರೂ. ಆಗಿತ್ತು.