ನವದೆಹಲಿ: “ನಿಮ್ಮ ಐಫೋನ್‌, ಮ್ಯಾಕ್‌ಬುಕ್‌, ಆ್ಯಪಲ್‌ ವಾಚ್‌ಗಳನ್ನು ಅಪ್‌ಡೇಟ್‌ ಮಾಡಿಕೊಳ್ಳಿ’ - ಹೀಗೆಂದು ಕೇಂದ್ರ ಮಾಹಿತಿ ತಂತ್ರಜ್ಞಾನ ಸಚಿವಾಲಯ ಎಚ್ಚರಿಕೆ ನೀಡಿದೆ.
ಇಂಡಿಯನ್‌ ಕಂಪ್ಯೂಟರ್‌ ಎಮರ್ಜೆನ್ಸಿ ರೆಸ್ಪಾನ್ಸ್‌ ಟೀಮ್‌ (ಸಿಇಆರ್‌ಟಿ-ಇನ್‌) ಈ ಬಗ್ಗೆ ಮುನ್ನೆಚ್ಚರಿಕೆ ನೀಡಿದೆ. ಆ್ಯಪಲ್‌ ಉತ್ಪನ್ನಗಳನ್ನೇ ಗುರಿಯಾಗಿರಿಸಿ ದಾಳಿ ಮಾಡುವ ಮಾಲ್‌ವೇರ್‌ ಒಂದು ಶೀಘ್ರದಲ್ಲಿಯೇ ತೊಂದರೆ ಸೃಷ್ಟಿಸುವ ಸಾಧ್ಯತೆ ಇದೆ.
ಹೀಗಾಗಿ, ಐಫೋನ್‌, ಮ್ಯಾಕ್‌ಬುಕ್‌, ಆ್ಯಪಲ್‌ ವಾಚ್‌, ಆ್ಯಪಲ್‌ ಟಿವಿಗಳನ್ನು ಅಪ್‌ಡೇಟ್‌ ಮಾಡಿಕೊಳ್ಳುವಂತೆ ಬಳಕೆದಾರರಿಗೆ ಮುನ್ನೆಚ್ಚರಿಕೆ ನೀಡಿದೆ.
ಇದನ್ನೂ ಓದಿ:ಪಕ್ಷ ನಿಷ್ಠನ ಮೇಲ್ಮನೆ ಪ್ರವೇಶ ಕನಸು ನನಸು !
ಈ ಉತ್ಪನ್ನಗಳನ್ನು ಬಳಕೆ ಮಾಡುವವರು, ಮೆಮೊರಿ ವ್ಯವಸ್ಥೆ ನಿರ್ವಹಣೆ, ಇನ್‌ಪುಟ್‌ ವ್ಯಾಲಿಡೇಷನ್‌ ಸೇರಿ ಹಲವು ತಾಂತ್ರಿಕ ಅಂಶಗಳನ್ನು ಸೂಕ್ತವಾಗಿ ನಿರ್ವಹಿಸದೇ ಇದ್ದುದರಿಂದ ಮಾಲ್‌ವೇರ್‌ ದಾಳಿ ಮಾಡಲಿದೆ ಎಂದು ಹೇಳಿದೆ.
