ಕೇರಳ ಸರ್ಕಾರದ ವಿರುದ್ಧ ರಾಜ್ಯಪಾಲರು ಗರಂ

ತಿರುವನಂತಪುರಂ: ಕೇರಳ ರಾಜ್ಯಪಾಲರಾಗಿರುವ ಆರಿಫ್ ಮೊಹಮದ್‌ ಖಾನ್‌, ಕೇರಳದ ಪಿಣರಾಯಿ ವಿಜಯನ್‌ ಸರ್ಕಾರದ ವಿರುದ್ಧ ಆಕ್ರೋಶ ಹೊರಹಾಕಿದ್ದಾರೆ.

“ಸರ್ಕಾರ ಎಲ್ಲ ಸಚಿವರ ವೈಯಕ್ತಿಯ ಸಿಬ್ಬಂದಿಗೆ ಪಿಂಚಣಿ ಸೌಲಭ್ಯ ಕೊಡುತ್ತಿದೆ. ಒಬ್ಬೊಬ್ಬ ಸಚಿವರು 20-20 ಜನರನ್ನು ಸಿಬ್ಬಂದಿಯಾಗಿಸಿಕೊಂಡಿದ್ದಾರೆ. ಈ ಬಗ್ಗೆ ನಾನು ಸರ್ಕಾರಕ್ಕೆ ಈ ಪದ್ಧತಿ ತೆಗೆದುಹಾಕಿ, ಕಾನೂನುಬದ್ಧವಾಗಿ ಪ್ರಕ್ರಿಯೆ ನಡೆಸಲು ಹೇಳಿದ್ದೇನೆ.

ಸರ್ಕಾರ ನನ್ನ ಮಾತು ಕೇಳಲಿಲ್ಲವೆಂದರೆ ನಾನು ಬಿಡುವವನೂ ಅಲ್ಲ. ಇಲ್ಲಿ ನಾನು ಸರ್ಕಾರವನ್ನು ಸಂವಿಧಾನ ಪ್ರಕಾರ ನಡೆದುಕೊಳ್ಳುವಂತೆ ನೋಡಿಕೊಳ್ಳುವುದಕ್ಕೇ ಇರುವವನು. ಸರ್ಕಾರಕ್ಕೆ ರಾಜ ಭವನವನ್ನು ನಿಯಂತ್ರಿಸುವ ಹಕ್ಕಿಲ್ಲ’ ಎಂದು ದೂರಿದ್ದಾರೆ.