ಬೆಂಗಳೂರಿನ ಶೇ 50ರಷ್ಟು ಟ್ರಾಫಿಕ್ ಕಡಿಮೆ ಮಾಡಲು ಸರ್ಕಾರದ ಯೋಜನೆ

ಬೆಂಗಳೂರು: ನಗರದ 12 ಪ್ರಮುಖ ಸಿಗ್ನಲ್ ಗಳನ್ನು ಆಧುನೀಕರಣ ‌ಮಾಡಲಾಗುವುದು. ಇದರಿಂದ ಬೆಂಗಳೂರಲ್ಲಿ ಟ್ರಾಫಿಕ್ ಶೇಕಡ 50 ರಷ್ಟು ಕಡಿಮೆ ಆಗಲಿದೆ ಎಂದು ಗೃಹ ಸಚಿವ ಬಸವರಾಜ್ ಬೊಮ್ಮಾಯಿ ಹೇಳಿಕೆ ನೀಡಿದ್ದಾರೆ.

ರವಿವಾರ ನಗರ ಪ್ರದಕ್ಷಿಣೆ ಬಳಿಕ ಬೆಂಗಳೂರಲ್ಲಿ ಕೆಲ ನಿರ್ಧಾರಗಳನ್ನು ಮಾಡುವ ಬಗ್ಗೆ ಚಿಂತನೆ ಮಾಡಿದ್ದೇವೆ. ನಗರದ 12 ಪ್ರಮುಖ ಸಿಗ್ನಲ್ ಗಳನ್ನು ಆಧುನೀಕರಣ ‌ಮಾಡಲಾಗುವುದು. ಈಗಾಗಲೇ ಆಧುನೀಕರಣಕ್ಕೆ ಸಿದ್ದತೆ ಮಾಡುವಂತೆ ಅಧಿಕಾರಿಗಳಿಗೆ ಸೂಚನೆ ‌ಕೊಟ್ಟಿದ್ದೇನೆ. ಫೆರಿಫರಲ್ ರಸ್ತೆಗಳಿಗೆ ತೊಂದರೆ ಆಗದ ರೀತಿ ಸಿಗ್ನಲ್ ಗಳನ್ನು ‌ಮಾಡುತ್ತೇವೆ ಎಂದು ಗೃಹ ಸಚಿವರು ಹೇಳಿದರು.

ಮೆಟ್ರೋ ಜಂಕ್ಷನ್ ಹಾಗೂ ರಸ್ತೆಗಳಲ್ಲಿ ಟ್ರಾಫಿಕ್ ಕ್ಲಿಯರ್ ಬಗ್ಗೆ ಅಧಿಕಾರಿಗಳಿಂದ ಸಮನ್ವಯ ‌ಮಾಡಬೇಕಿದೆ. ಬೆನ್ನಗಾನಹಳಿ ಬಳಿ 10 ಎಕರೆ ಜಮೀನು ಇದೆ. ಅಲ್ಲಿ ಪೊಲೀಸ್ ಠಾಣೆಗಳಲ್ಲಿರುವ ಹಳೆಯ ವಾಹನಗಳನ್ನು ‌ಶಿಫ್ಟ್ ಮಾಡುತ್ತೇವೆ. ಹೀಗೆ ಹಲವಾರು ಕ್ರಮ ಕೈಗೊಳ್ತಿದ್ದೇವೆ ಎಂದು ಗೃಹ ಸಚಿವ ಬಸವರಾಜ್ ಬೊಮ್ಮಾಯಿ ಹೇಳಿಕೆ ನೀಡಿದ್ದಾರೆ.