ಭಾರ್ತಿ ಏರ್ಟೆಲ್‌ನಲ್ಲಿ ಗೂಗಲ್‌ ಹೂಡಿಕೆ

ನವದೆಹಲಿ: ಭಾರತದ ಎರಡನೇ ಅತಿ ದೊಡ್ಡ ಟೆಲಿಕಾಂ ಸಂಸ್ಥೆಯಾಗಿರುವ ಭಾರ್ತಿ ಏರ್ಟೆಲ್‌ನಲ್ಲಿ ಆಲ್ಫಾಬೆಟ್‌ನ ಗೂಗಲ್‌ ಸಂಸ್ಥೆ 1 ಬಿಲಿಯನ್‌ ಡಾಲರ್‌(7,500 ಕೋಟಿ ರೂ.) ಹೂಡಿಕೆ ಮಾಡಲಿದೆ.

ಏರ್ಟೆಲ್‌ನ ಶೇ.1.28 ಷೇರನ್ನು ಗೂಗಲ್‌ ಖರೀದಿಸಲಿದೆ ಎಂದು ಏರ್ಟೆಲ್‌ ಸಂಸ್ಥೆ ತಿಳಿಸಿದೆ.

ಪ್ರತಿ ಷೇರಿಗೆ 734 ರೂ.ನಂತೆ 700 ಮಿಲಿಯನ್‌ ಡಾಲರ್‌ಗೆ ಶೇ.1.28 ಷೇರನ್ನು ಖರೀದಿಸಲಾಗುವುದು. ಉಳಿದ ಮೊತ್ತವನ್ನು ಸಂಸ್ಥೆಯೊಂದಿಗಿನ ವಾಣಿಜ್ಯ ಒಪ್ಪಂದಗಳನ್ನು ಜಾರಿಗೆ ತರಲು ಬಳಸಿಕೊಳ್ಳಲಾಗುವುದು ಎಂದು ತಿಳಿಸಿದೆ.

ಈ ಹಿಂದೆ 2020ರಲ್ಲಿ ಗೂಗಲ್‌ ಸಂಸ್ಥೆ ರಿಲಯನ್ಸ್‌ ಜಿಯೋ ಸಂಸ್ಥೆಯಲ್ಲಿ 4.5 ಬಿಲಿಯನ್‌ ಡಾಲರ್‌ ಹೂಡಿಕೆ ಮಾಡಿ, ಶೇ.7.73 ಷೇರನ್ನು ಖರೀದಿಸಿತ್ತು.