ದೇಶದ ಮೊದಲ ಪಧವೀಧರೆ ಕಾಮಿನಿ ರಾಯ್ ಗೆ ಗೂಗಲ್ ಡೂಡಲ್ ಗೌರವ

ಹೊಸದಿಲ್ಲಿ: ಕವಿ, ಹೋರಾಟಗಾರ್ತಿ ಕಾಮಿನಿ ರಾಯ್ ಅವರ 155ನೇ ಜನ್ಮದಿನಕ್ಕೆ ಗೂಗಲ್ ತನ್ನ ಡೂಡಲ್ ನಲ್ಲಿ ಗೌರವ ಸೂಚಿಸಿದೆ.

1864ರ ಈ ದಿನ ಬೆಂಗಾಲ್ ಪ್ರಾಂತ್ಯದ ಬಕೇರ್ ಗಂಜ್ ನಲ್ಲಿ ಕಾಮಿನಿ ರಾಯ್ ಅವರು ಜನಿಸಿದ್ದರು. 1886ರಲ್ಲಿ ಬೆಥೋನ್ ಕಾಲೇಜಿನಲ್ಲಿ ಕಲಾ ವಿಭಾಗದಲ್ಲಿ ಪದವಿ ಮತ್ತು ಭಾಷಾ ವಿಷಯದಲ್ಲಿ ಹಾನರ್ಸ್ ಪಡೆದಿದ್ದರು. ಈ ಮೂಲಕ ದೇಶದಲ್ಲಿ ಪದವಿ ಪಡೆದ ಮಹಿಳೆ ಎಂಬ ಗೌರವಕ್ಕೆ ಕಾಮಿನಿ ಪಾತ್ರರಾಗಿದ್ದರು.

ಬೆಂಗಾಲಿ ಭಾಷೆಯ ಕವಿಯಾಗಿದ್ದ ಅವರು ಸಾಮಾಜಿಕ ಕಾರ್ಯಕರ್ತೆಯಾಗಿ, ಮಹಿಳೆಯರ ಹಕ್ಕುಗಳ ಪರವಾಗಿ ದನಿ ಎತ್ತಿದ್ದರು.