Advertisement

‘1917’ಗೆ ಶ್ರೇಷ್ಠ ಚಿತ್ರ ಗೌರವ ; 2020ರ ಗೋಲ್ಡನ್‌ ಗ್ಲೋಬ್‌ ಪ್ರಶಸ್ತಿ ಬಾಚಿದ ಆಂಗ್ಲ ಚಿತ್ರ

09:56 AM Jan 08, 2020 | Hari Prasad |

ಲಾಸ್‌ ಏಂಜಲೀಸ್‌: ಮೊದಲ ಮಹಾ ಯುದ್ಧದ ಕಥಾವಸ್ತುವುಳ್ಳ ಹಾಲಿವುಡ್‌ ಚಿತ್ರ ‘1917’, ಈ ಬಾರಿಯ ಗೋಲ್ಡನ್‌ ಗ್ಲೋಬ್‌ ಪ್ರಶಸ್ತಿಗಳಡಿ ‘ಶ್ರೇಷ್ಠ ಚಿತ್ರ’ ಪ್ರಶಸ್ತಿಯನ್ನು ತನ್ನದಾಗಿಸಿಕೊಂಡಿದೆ. ಪ್ರಶಸ್ತಿಗಾಗಿ ಪರಸ್ಪರ ತೀವ್ರ ಪೈಪೋಟಿ ನೀಡಿದ್ದ ‘ದ ಐರಿಶ್‌ಮ್ಯಾನ್‌’ ಹಾಗೂ “ಮ್ಯಾರೇಜ್‌ ಸ್ಟೋರಿ’ ಚಿತ್ರಗಳನ್ನು ಹಿಂದಿಕ್ಕಿದ್ದು “1917′ ಚಿತ್ರದ ಹೆಗ್ಗಳಿಕೆ.

Advertisement

ಸ್ಯಾಮ್‌ ಮೆಂಡಿಸ್‌ ನಿರ್ದೇಶನದ ಈ ಚಿತ್ರ ಒಂದೇ ಶಾಟ್‌ನಲ್ಲಿ ತಗೆದಿದ್ದು ಎಂಬ ಹೆಗ್ಗಳಿಕೆಯನ್ನೂ ಹೊಂದಿರುವುದು ಚಿತ್ರದ ಮತ್ತೂಂದು ವಿಶೇಷ. ಬಹುಶಃ ಇಂಥ ವಿಭಿನ್ನ ಪ್ರಯತ್ನಕ್ಕಾಗಿಯೇ ಸ್ಯಾಮ್‌ ಮೆಂಡಿಸ್‌ ಅವರಿಗೆ ಶ್ರೇಷ್ಠ ನಿರ್ದೇಶಕ ಪ್ರಶಸ್ತಿಯನ್ನೂ ನೀಡಿ ಗೌರವಿಸಲಾಯಿತು.

ಹಾಗಂತ, ‘ದ ಐರಿಶ್‌ ಮ್ಯಾನ್‌’ ಹಾಗೂ ‘ಮ್ಯಾರೇಜ್‌ ಸ್ಟೋರಿ’ ಚಿತ್ರಗಳಿಗೇನೂ ಮೋಸವಾಗಲಿಲ್ಲ. ‘ಐರಿಶ್‌ ಮ್ಯಾನ್‌’ ಚಿತ್ರದ ನಟನೆಗಾಗಿ ಬ್ರಾಡ್‌ ಪಿಟ್‌ ಶ್ರೇಷ್ಠ ನಟ ಪ್ರಶಸ್ತಿ ಗೆದ್ದುಕೊಂಡರೆ, ‘ಮ್ಯಾರೇಜ್‌ ಸ್ಟೋರಿ’ಗಾಗಿ ಲಾರಾ ಡೆರ್ನ್ ಶ್ರೇಷ್ಠ ನಟಿ ಪ್ರಶಸ್ತಿ ಪಡೆದರು.

ಇನ್ನು, ಒನ್ಸ್‌ ಅಪಾನ್‌ ಎ ಟೈಮ್‌ ಇನ್‌ ಹಾಲಿವುಡ್‌ ಚಿತ್ರಕ್ಕೆ ಕಾಮಿಡಿ ವಿಭಾಗದಲ್ಲಿ ಶ್ರೇಷ್ಠ ಚಿತ್ರ ಹಾಗೂ ಶ್ರೇಷ್ಠ ಚಿತ್ರಕತೆ ಪ್ರಶಸ್ತಿ ಲಭಿಸಿದವು.

Advertisement

Udayavani is now on Telegram. Click here to join our channel and stay updated with the latest news.

Next