ಮಂಗಳೂರು: 30.73 ಲಕ್ಷ ರೂ ಮೌಲ್ಯದ ಚಿನ್ನ ವಶಕ್ಕೆ

ಮಂಗಳೂರು: ಅಕ್ರಮವಾಗಿ ವಿದೇಶದಿಂದ ವಿಮಾನದ ಮೂಲಕ ಸಾಗಿಸುತ್ತಿದ್ದ 30.73 ಲಕ್ಷ ರೂ ಮೌಲ್ಯದ ಚಿನ್ನವನ್ನು ಮಂಗಳೂರು ವಿಮಾನ ನಿಲ್ದಾಣದಲ್ಲಿ ವಶಪಡಿಸಲಾಗಿದೆ.

ಕಾಸರಗೋಡಿನ ಇಬ್ರಾಹಿಂ ಪನಲಂ ಅಬ್ದುಲ್ಲಾ ಎಂಬ ಪ್ರಯಾಣಿಕ ದುಬೈನಿಂದ ಬರುತ್ತಿದ್ದು, 647 ಗ್ರಾಮ್ ಚಿನ್ನವನ್ನು ತನ್ನ ಒಳ ಉಡುಪಿನಲ್ಲಿರಿಸಿ ತರುತ್ತಿದ್ದ. ವಿಮಾನ ನಿಲ್ದಾಣದಲ್ಲಿ ಪರಿಶೀಲನೆ ವೇಳೆ ಕಸ್ಟಮ್ಸ್ ಅಧಿಕಾರಿಗಳು ಪತ್ತೆ ಹಚ್ಚಿದ್ದಾರೆ.

ಕಸ್ಟಮ್ಸ್ ಅಧಿಕಾರಿಗಳಾದ ಅವಿನಾಶ್ ಕಿರಣ್ ರೊಂಗಾಲಿ, ಸತೀಶ್, ಶ್ರೀಕಾಂತ್ ಮತ್ತು ತಂಡ ಕಾರ್ಯಚರಣೆಯಲ್ಲಿ ಭಾಗವಹಿಸಿತ್ತು.