ಕೊರೊನಾವೈರಸ್‌ ಹಾವಳಿ: ದೆಹಲಿಯಲ್ಲಿ ಚಿನ್ನದ ದರ 953 ರೂ. ಏರಿಕೆ

ನವದೆಹಲಿ:ಕೊರೊನಾವೈರಸ್‌ ಭೀತಿಯು ಚಿನ್ನದ ದರದಲ್ಲಿ ಗಣನೀಯ ಏರಿಕೆಗೆ ಕಾರಣವಾಗಿದೆ. ದೆಹಲಿಯಲ್ಲಿ ಸೋಮವಾರ 24 ಕ್ಯಾರೆಟ್‌ ಚಿನ್ನದ ದರವು 10ಗ್ರಾಂಗೆ 953 ರೂ. ಏರಿಕೆ ಕಂಡಿದ್ದು, 10 ಗ್ರಾಂ ಹಳದಿ ಲೋಹದ ಬೆಲೆಯೀಗ 44,472 ರೂ. ಆಗಿದೆ. ಚೀನಾದಲ್ಲಿ ಹುಟ್ಟಿಕೊಂಡ ಕೊರೊನಾವೈರಸ್‌ ಈಗ ದಕ್ಷಿಣ ಕೊರಿಯಾ, ಮಧ್ಯಪ್ರಾಚ್ಯ, ಇಟಲಿ ಸೇರಿದಂತೆ ವಿಶ್ವಾದ್ಯಂತ ವ್ಯಾಪಿಸುತ್ತಿರುವುದೇ ಚಿನ್ನದ ದರ ಏರಿಕೆಯಾಗಲು ಕಾರಣ. ಬೆಂಗಳೂರಿನಲ್ಲಿ ಸೋಮವಾರ ಆಭರಣ ಚಿನ್ನದ ದರ 290 ರೂ. ಏರಿಕೆಯಾಗಿ, 10 ಗ್ರಾಂಗೆ 40,300 ಆಗಿದ್ದರೆ, ಶುದ್ಧ ಚಿನ್ನದರ ದರ 43,890 ರೂ.ಗೆ ತಲುಪಿದೆ.