ಬೆಂಗಳೂರು: ಗೃಹೋಪಯೋಗಿ ಉತ್ಪನ್ನಗಳ ಮಾರಾಟ ಕ್ಷೇತ್ರದ ಖ್ಯಾತ ಸಂಸ್ಥೆ ಗಿರಿಯಾಸ್‌ನ 55ನೇ ಮೆಗಾ ಸ್ಟೋರ್‌ ವಿಜಯನಗರದ ಅತ್ತಿಗುಪ್ಪೆ ಮೆಟ್ರೋ ನಿಲ್ದಾಣದ ಬಳಿ ಶುಕ್ರವಾರ ಆರಂಭವಾಗಿದೆ. ನೂತನ ಮಳಿಗೆಯನ್ನು ಸ್ಥಳೀಯ ಶಾಸಕ ಪ್ರಿಯ ಕೃಷ್ಣ ಅವರು ಉದ್ಘಾಟಿಸಿದರು.
ಈ ವೇಳೆ ಮಾತನಾಡಿದ ಅವರು, ಕಳೆದ 47 ವರ್ಷಗಳಿಂದ ಗಿರಿಯಾಸ್‌ ಗುಣಮಟ್ಟದ ಗೃಹೋಪಯೋಗಿ ವಸ್ತುಗಳನ್ನು ಮಾರಾಟ ಮಾಡುತ್ತಾ ಗ್ರಾಹಕರ ನಂಬಿಕೆ ಉಳಿಸಿಕೊಂಡಿದೆ. ಕ್ಷೇತ್ರದಲ್ಲಿ ಗಿರಿಯಾಸ್‌ ಬೃಹತ್‌ ಮಳಿಗೆ ಉದ್ಘಾಟಿಸುತ್ತಿರುವುದು ಸಂತಸ ತಂದಿದೆ ಎಂದರು.
ಈ ಸಂದರ್ಭದಲ್ಲಿ ಹರಿಓಂ ಟ್ರಸ್ಟ್‌ ಸಂಸ್ಥಾಪಕ ಡಾ. ನಾರಾಯಣ್‌ ಎಂ. ಸಾವಂತ್‌, ಗಿರಿಯಾಸ್‌ ಸಂಸ್ಥೆ ನಿರ್ದೇಶಕರಾದ ಪಿ.ಎಲ್‌. ಗಿರಿಯ, ಕೆ.ಎಲ್‌. ಗಿರಿಯ, ಎಚ್‌.ಆರ್‌. ಗಿರಿಯ ಮತ್ತು ರಿಷಬ್‌ ಗಿರಿಯ ಉಪಸ್ಥಿತರಿದ್ದರು.
ಕೊಡುಗೆಗಳು: ಮೆಗಾ ಸ್ಟೋರ್‌ ಪ್ರಾರಂಭೋತ್ಸವದ ಅಂಗವಾಗಿ ಫೆ.2ರಿಂದ 4ರವರೆಗೆ ಹಲವು ಆಕರ್ಷಕ ಕೊಡುಗೆಗಳನ್ನು ಗಿರಿಯಾಸ್‌ ನೀಡುತ್ತಿದೆ. ಖಚಿತ ಗಿಫ್ಟ್‌ಗಳು, 1 ರೂ. ಡೌನ್‌ ಪೇಮೆಂಟ್‌ ನೀಡಿ ಉತ್ಪನ್ನ ಕೊಂಡೊಯ್ಯವ ಅವಕಾಶ, ಕೌನ್‌ ಬನೇಗಾ ಲಕ್‌ಪತಿ ಮತ್ತಿತರ ಕೊಡುಗೆಗಳನ್ನು ಪ್ರಕಟಿಸಿದೆ.
ಇದರೊಂದಿಗೆ ಈ ಮೂರು ದಿನಗಳು ಕ್ರೆಡಿಟ್‌ ಕಾರ್ಡ್‌ನಿಂದ ಕೊಳ್ಳುವ ಗ್ರಾಹಕರಿಗೆ ಯಾವುದೇ ಇತರೆ ಚಾರ್ಜ್‌ಗಳಿರುವುದಿಲ್ಲ. ಬಡ್ಡಿ ಇಲ್ಲ, ನಿಗೂಢ ವೆಚ್ಚ ಮತ್ತು ಪ್ರೊಸೆಸಿಂಗ್‌ ಫೀ ಕೂಡ ಇಲ್ಲದ ಕ್ಯಾಷ್‌ಲೆಸ್‌ ಶಾಪಿಂಗ್‌ ಸೌಲಭ್ಯ ದರಲಿದೆ.
