General Motors;1,000 ಉದ್ಯೋಗಿಗಳು ಕೆಲಸದಿಂದ ವಜಾ

ಹೊಸದಿಲ್ಲಿ: ವೆಚ್ಚ ಕಡಿತಕ್ಕೆ ಮುಂದಾಗಿರುವ ಜನರಲ್‌ ಮೋಟಾರ್ಸ್‌ ಕಂಪೆನಿ ಜಾಗತಿಕವಾಗಿ ಸುಮಾರು 1,000 ಉದ್ಯೋಗಿಗಳನ್ನು ಕೆಲಸದಿಂದ ತೆಗೆದು ಹಾಕಿದೆ. ಈ ಪೈಕಿ ಬಹುತೇಕರು ಉನ್ನತ ಹುದ್ದೆಯಲ್ಲಿರುವವರೇ ಆಗಿದ್ದಾರೆ. ವಿಶೇಷ ಎಂದರೆ, ಬೆಳಗಿನ ಜಾವ ಇ ಮೇಲ್‌ ಕಳುಹಿಸಿ, ಉದ್ಯೋಗದಿಂದ ಕಿತ್ತು ಹಾಕಿರುವ ಮಾಹಿತಿಯನ್ನು ಕಂಪೆನಿ ನೀಡಿದೆ. ಕಂಪೆನಿಯಲ್ಲಿ 38 ವರ್ಷಗಳ ಕಾಲ ಕೆಲಸ ಮಾಡಿದ ಆ್ಯಡಂ ಬರ್ನಾಡ್‌ ಎಂಬವರು ಈ ಕುರಿತು ಲಿಂಕ್ಡ್ಇನ್‌ನಲ್ಲಿ ಮಾಹಿತಿ ಹಂಚಿಕೊಂಡಿದ್ದು, ನಾನು ಬೆಳಗಿನ 5.07ಕ್ಕೆ ಇ ಮೇಲ್‌ ಮೂಲಕ ಕೆಲಸ ಕಳೆದುಕೊಂಡ ಮಾಹಿತಿ ಪಡೆದುಕೊಂಡೆ. ನಾನು ಮುಂದೇನು ಮಾಡಲಿ ಎಂದು ಅಸಹಾಯಕತೆಯನ್ನು ವ್ಯಕ್ತಪಡಿಸಿದ್ದಾರೆ.