ಸಿಐಎಸ್‌ಎಫ್ ಅಧಿಕಾರಿ ಶಿಖರ ಸಾಧನೆ

ಮಾಸ್ಕೋ: ಕೇಂದ್ರ ಕೈಗಾರಿಕಾ ಭದ್ರತಾ ಪಡೆ(ಸಿಐಎಸ್‌ಎಫ್)ಯ ಅಧಿಕಾರಿ ಗೀತಾ ಸಮೋಟಾ ಅವರು ಯುರೋಪ್‌ ಖಂಡದ ಅತೀ ಎತ್ತರದ ಶಿಖರ ಎಲ್ಬ್ರಸ್‌ ಅನ್ನು  ಏರಿದ್ದಾರೆ. ಈ ಮೂಲಕ ಈ ಶಿಖರವನ್ನೇರಿದ ಮೊದಲ ಸಿಐಎಸ್‌ಎಫ್ ಅಧಿಕಾರಿ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

ಎಲ್ಬ್ರಸ್‌ ಪರ್ವತ ರಷ್ಯಾದಲ್ಲಿದೆ. 5,642 ಮೀಟರ್‌(18,510 ಅಡಿ) ಎತ್ತರವಿರುವ ಈ ಪರ್ವತವನ್ನು ಹತ್ತುವುದು ಒಂದು ಸಾಹಸವೇ ಸರಿ. ಆ ಸಾಹಸವನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿರುವ ಗೀತಾ ಅವರ ಬಗ್ಗೆ ನಮಗೆ ಹೆಮ್ಮೆಯಿದೆ ಎಂದು ಸಿಐಎಸ್‌ಎಫ್ ಹೇಳಿದೆ.

2011ರಲ್ಲಿ ಸಿಐಎಸ್‌ಎಫ್ಗೆ ನೇಮಕವಾದ ಗೀತಾ ಪ್ರಸ್ತುತ ಮುಂಬಯಿನಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದಾರೆ.