Gaza: ಉದ್ದದ ಹಮಾಸ್‌ ಸುರಂಗ ಪತ್ತೆ

ಬೇತ್‌ ಹನೌನ್‌: ಗಾಜಾ ಪಟ್ಟಿಯಲ್ಲಿ ಹಮಾಸ್‌ ಉಗ್ರರು ನಿರ್ಮಿಸಿದ್ದ ಅತೀದೊಡ್ಡ ಸುರಂಗವೊಂದನ್ನು ಇಸ್ರೇಲ್‌ ಸೇನೆ ಪತ್ತೆಹಚ್ಚಿದೆ. ಗಾಜಾ ಗಡಿಯಿಂದ ಸ್ವಲ್ಪ ದೂರದಲ್ಲೇ ಬರೋಬ್ಬರಿ 4 ಕಿ.ಮೀ. ಉದ್ದದ ಸುರಂಗ ಪತ್ತೆಯಾಗಿದೆ. ಒಳಗಿನಿಂದಲೇ ಸಣ್ಣ ಸಣ್ಣ ವಾಹನಗಳು ಸಂಚರಿಸಬಹುದಾದಷ್ಟು ಗಾತ್ರವನ್ನು ಈ ಸುರಂಗ ಹೊಂದಿದೆ.

ಇದನ್ನು ನೋಡಿದರೆ, ಈ ಸುರಂಗ ನಿರ್ಮಿಸಲು ಕೋಟಿಗಟ್ಟಲೆ ಹಣ ಖರ್ಚಾಗಿರಬಹುದು ಮತ್ತು ವರ್ಷಾನುಗಟ್ಟಲೆ ಅವಧಿ ತಗುಲಿರಬಹುದು ಎಂದು ಅಂದಾಜಿಸಲಾಗಿದೆ. ಅದರೊಳಗೆ ಚರಂಡಿ ವ್ಯವಸ್ಥೆ, ವಿದ್ಯುತ್ಛಕ್ತಿ, ಗಾಳಿ ಬೆಳಕಿನ ವ್ಯವಸ್ಥೆ, ಸಂವಹನ ವ್ಯವಸ್ಥೆಯೂ ಇದೆ ಎಂದು ಇಸ್ರೇಲ್‌ ಸೇನೆ ಹೇಳಿದೆ.