ಮಾಜಿ ಯೋಧನಿಗೆ ಗೌತಮ್‌ ಗಂಭೀರ್‌ ನೆರವು

ನವದೆಹಲಿ: ಭಾರತ ಕ್ರಿಕೆಟಿಗ ಗೌತಮ್‌ ಗಂಭೀರ್‌ ಮತ್ತೂಮ್ಮೆ ಮಾನವೀಯತೆ ಮೆರೆದು ಸುದ್ದಿಯಾಗಿದ್ದಾರೆ. ಸಹಾಯಕ್ಕಾಗಿ ಅಂಗಲಾಚುತ್ತಿದ್ದ ಮಾಜಿ ಯೋಧನ ಮನವಿಯನ್ನು ಸಾಮಾಜಿಕ ಜಾಲತಾಣದ ಮೂಲಕ ರಕ್ಷಣಾ ಇಲಾಖೆ ತನಕ ಮುಟ್ಟಿಸಿ ಯೋಧನಿಗೆ ನೆರವಾಗಿದ್ದಾರೆ. ಪೀತಾಂಬರ್‌ ಹೆಸರಿನ ಮಾಜಿ ಸೈನಿಕ ದೆಹಲಿಯ ಕೊನಾಹ್‌Õ ಪ್ರದೇಶದಲ್ಲಿ ಮೂಲಸೌಲಭ್ಯದಿಂದ ವಂಚಿತನಾಗಿ ಭಿಕ್ಷೆ ಬೇಡುವ ಸ್ಥಿತಿಗೆ ತಲುಪಿದ್ದರು.

ಇದನ್ನು ಟ್ವೀಟರ್‌ ಮೂಲಕ ಶೇರ್‌ ಮಾಡಿದ ಗಂಭೀರ್‌ ನಿವೃತ್ತ ಸೈನಿಕನಿಗೆ ಸಹಾಯ ಮಾಡುವಂತೆ ರಕ್ಷಣಾ ಇಲಾಖೆಗೆ ಮನವಿ ಮಾಡಿದ್ದರು. ಇದಕ್ಕೆ ರಕ್ಷಣಾ ಇಲಾಖೆ ತಕ್ಷಣವೇ ಸ್ಪಂದಿಸಿದೆ. ಪೀತಾಂಬರ್‌ 1965-71ರಲ್ಲಿ ಭಾರತೀಯ ಸೈನ್ಯದಲ್ಲಿ ಸೇವೆ ಸಲ್ಲಿಸಿದ್ದರು.