ಚೀನ ಕಲ್ಲಿದ್ದಲು ಗಣಿಯಲ್ಲಿ ಅನಿಲ ಸೋರಿಕೆ : 18 ಕಾರ್ಮಿಕರ ಸಾವು

ಬೀಜಿಂಗ್‌ : ಮಧ್ಯ ಚೀನದ ಹುನಾನ್‌ ಪ್ರಾಂತ್ಯದಲ್ಲಿ ನ ಕಲ್ಲಿದ್ದಲು ಗಣಿಯೊಂದರಲ್ಲಿ ಅನಿಲ ಸೋರಿಕೆ ಉಂಟಾದ ಕಾರಣ 18 ಮಂದಿ ಗಣಿ ಕಾರ್ಮಿಕರು ಮೃತಪಟ್ಟ ಘಟನೆ ವರದಿಯಾಗಿದೆ. 

ಅನಿಲ ಸೋರಿಕೆ ಉಂಟಾದಾಗ ಸುಮಾರು 55 ಮಂದಿ ಕಾರ್ಮಿಕರು ಗಣಿಯಲ್ಲಿ  ಕೆಲಸ ಮಾಡುತ್ತಿದ್ದರು. ದುರ್ಘ‌ಟನೆ ಸುದ್ದಿ ತಿಳಿದೊಡನೆಯೇ ಕಾರ್ಯೋನ್ಮುಖರಾದ ರಕ್ಷಣಾ ಕಾರ್ಯಕರ್ತರು 37 ಮಂದಿ ಕಾರ್ಮಿಕರನ್ನು ಗಣಿಯೊಳಗಿಂದ ಹೊರ ತೆಗೆದರು. ಆದರೆ ಇನ್ನೂ 18 ಮಂದಿ ಕಾರ್ಮಿಕರನ್ನು ಮೇಲಕ್ಕೆತ್ತಲಾಗಲಿಲ್ಲ. 

ಪಾರುಗೊಳಿಸಲ್ಪಟ್ಟ ಕಾರ್ಮಿಕರನ್ನು ಒಡನೆಯೇ ಆಸ್ಪತ್ರೆಗೆ ಸೇರಿಸಲಾಯಿತು ಎಂದು ಸರಕಾರಿ ಒಡೆತನದ ಸುದ್ದಿ ಸಂಸ್ಥೆ  ಕ್ಸಿನ್‌ಹುವಾ ತಿಳಿಸಿದೆ.