ಚೆಂಬೂರ್‌ ನ ರಾಸಾಯನಿಕ ಗೊಬ್ಬರ ಘಟಕದಲ್ಲಿ ಅನಿಲ ಸೋರಿಕೆ: ಗಾಬರಿಗೊಂಡ ಜನತೆ

ಮುಂಬೈ: ಇಲ್ಲಿನ ಚೆಂಬೂರ್‌ ನ ರಾಷ್ಟ್ರೀಯ ರಾಸಾಯನಿಕ ಗೊಬ್ಬರ ಘಟಕದಲ್ಲಿ ಅನಿಲ ಸೋರಿಕೆಯಾಗಿರುವ ಘಟನೆ ಗುರುವಾರ ರಾತ್ರಿ ನಡೆದಿದೆ.

ಪೂರ್ವ ಮುಂಬಯಿಯ ಕೆಲ ಪ್ರದೇಶದಲ್ಲಿ ಗುರುವಾರ ಸಂಜೆ ದುರ್ವಾಸನೆ ಅನುಭವವಾದಾಗ ಗಾಬರಿಗೊಂಡಿದ್ದ ಜನರು ಅಗ್ನಿ ಶಾಮಕ ದಳ ಸಿಬ್ಬಂದಿಗೆ ಮಾಹಿತಿ ತಿಳಿಸಿಲಾಗಿತ್ತು. ನಂತರ ಈ ದುರ್ವಾಸನೆ ಚೆಂಬೂರ್‌ ನ ರಾಸಾಯಮಿಕ ಗೊಬ್ಬರ ಘಟಕದಿಂದ ಬರುತ್ತಿರುವುದಾಗಿ ತಿಳಿದು ಬಂದಿದೆ.

ಘಟನೆಯಿಂದಾಗಿ ಯಾವುದೇ  ರೀತಿಯ ಅನಾರೋಗ್ಯದ ಬಗ್ಗೆ ವರದಿಯಾಗಿಲ್ಲ. ಸದ್ಯ ಘಟಕದಲ್ಲಿ ಸೋರಿಕೆಯನ್ನು ತಡೆದಿದ್ದು, ಸಹಜ ಸ್ಥಿತಿಗೆ ತರಲಾಗಿದೆ.