ಗಂಗಾವತಿ: ಕಿಷ್ಕಿಂಧಾ ಅಂಜನಾದ್ರಿಗೆ ಜಗ್ಗಿ ವಾಸುದೇವ ಮಹಾಯೋಗಿಗಳನ್ನು ಆಹ್ವಾನಿಸಿದ ಶಾಸಕ ಮುನವಳ್ಳಿ

ಗಂಗಾವತಿ: ಐತಿಹಾಸಿಕ ಪ್ರಸಿದ್ಧ ರಾಮಾಯಣದ ಪ್ರಮುಖ ಸ್ಥಳವಾಗಿರುವ ಕಿಷ್ಕಿಂಧಾ ಅಂಜನಾದ್ರಿಗೆ ಆಗಮಿಸುವಂತೆ ಈಶ ಫೌಂಡೇಶನ್ ಪೂಜ್ಯ ಜಗ್ಗಿ ವಾಸುದೇವ ಮಹಾಯೋಗಿಗಳನ್ನು ಶಾಸಕ ಪರಣ್ಣ ಮುನವಳ್ಳಿ ಆಹ್ವಾನಿಸಿದರು.

ಹಿಂದೂಗಳ ಶಕ್ತಿ ಮತ್ತು ಪವಿತ್ರ ಭೂಮಿಯಾಗಿರುವ ಕಿಷ್ಕಿಂಧಾ ಅಂಜನಾದ್ರಿಗೆ ನಿತ್ಯವೂ ಸಾವಿರಾರು, ದೇಶ-ವಿದೇಶಗಳ ಭಕ್ತರು ಆಗಮಿಸುತ್ತಿದ್ದು, ಸರಕಾರ ಭಕ್ತರಿಗೆ ಮೂಲಸೌಕರ್ಯ ಕಲ್ಪಿಸಲು ಮೂಲಸ್ವರೂಪಕ್ಕೆ ಧಕ್ಕೆಯಾಗದಂತೆ ಯೋಜನೆ ರೂಪಿಸಿದ್ದು, ಈ ಕೆಲಸ ಕಾರ್ಯಗಳಿಗೆ ಮಾರ್ಗದರ್ಶನ ಮಾಡಲು ಮತ್ತು ಈ ಕ್ಷೇತ್ರಕ್ಕೆ ಇನ್ನಷ್ಟು ಕಳೆ ಬರುವಂತಾಗಲು ತಾವು ಭೇಟಿ‌ ನೀಡುವಂತೆ ಮನವಿ ಮಾಡಿದರು.

ಜಗ್ಗಿ ವಾಸುದೇವ ಮಹಾಯೋಗಿಗಳು ಪ್ರತಿಕ್ರಿಯಿಸಿ ಸಮಯ ನೋಡಿಕೊಂಡು ಕಿಷ್ಕಿಂಧಾ ಅಂಜನಾದ್ರಿಗೆ ಆಗಮಿಸುವ ಭರವಸೆ ನೀಡಿದರು.

ಈ ಸಂದರ್ಭದಲ್ಲಿ ಸಚಿವ ಹಾಲಪ್ಪ ಆಚಾರ್ ಅಳಿಯ ಗೌರಾ ಬಸವರಾಜ, ಸಿಂಗನಾಳ ವಿರೂಪಾಕ್ಷಪ್ಪ, ಅಮರಜ್ಯೋತಿ ನರಸಪ್ಪ ಸೇರಿ ಅನೇಕರಿದ್ದರು.