ಉಚಿತ ವಿದ್ಯುತ್‌ ಸಂಪರ್ಕ

ಉಡುಪಿ: ಕಡಿಯಾಳಿ ಸಾರ್ವಜನಿಕ ಗಣೇಶೋತ್ಸವ ಸಮಿತಿ ವತಿಯಿಂದ ಕಡಿಯಾಳಿ ನಿವಾಸಿ ಜಲಜಾ ಶೇರಿಗಾರ್ತಿ ಅವರ ಮನೆಗೆ ಒದಗಿಸಲಾದ ಉಚಿತ ವಿದ್ಯುತ್‌ ಸಂಪರ್ಕ ವ್ಯವಸ್ಥೆಯನ್ನು ರವಿವಾರ ಶಾಸಕ ಕೆ. ರಘುಪತಿ ಭಟ್‌ ಉದ್ಘಾಟಿಸಿ ಮಾತನಾಡಿದರು.

ಕಡಿಯಾಳಿ ಸಾರ್ವಜನಿಕ ಗಣೇಶೋತ್ಸವ ಸಮತಿಯ ಆಸರೆ ಯೋಜನೆಯ ಮೂಲಕ ಬಡವರಿಗೆ ಮನೆ ನಿರ್ಮಾಣ, ಆರೋಗ್ಯ ಯೋಜನೆ, ವಿದ್ಯಾರ್ಥಿ ವೇತನದಂತ ಸಾಮಾಜಿಕ ಚಟುವಟಿಕೆಗಳು ಇತರೆ ಸಮಿತಿಗಳಿಗೆ ಪ್ರೇರಣೆ ನೀಡಲಿ ಎಂದರು.

ಸಮಿತಿ ಅಧ್ಯಕ್ಷ ಪಿ. ವಸಂತ ಭಟ್‌, ಕೋಶಾಧಿಕಾರಿ ಎಂ. ವಲ್ಲಭ ಭಟ್‌, ಸಮಿತಿಯ ಪದಾಧಿಕಾರಿಗಳಾದ ಸತೀಶ್‌ ಕುಲಾಲ್‌, ಕಡಿಯಾಳಿ ಮಂಜುನಾಥ್‌ ಹೆಬ್ಟಾರ್‌, ಸಂತೋಷ ಕಿಣಿ, ಮುರಳೀಧರ್‌ ಪೈ, ಕೆ. ಹರೀಶ್‌ ಕುಮಾರ್‌ , ಸಂದೀಪ್‌ ಸನಿಲ್‌ ಕಡಿಯಾಳಿ ,ಕಡಿಯಾಳಿ ಶಾಲಾ ನಿವೃತ್ತ ಮುಖ್ಯೋಪಾಧ್ಯಾಯ ಪಿ. ಸದಾನಂದ ಶರ್ಮ ಉಪಸ್ಥಿತರಿದ್ದರು.

ಕಡಿಯಾಳಿ ನಗರಸಭಾ ಸದಸ್ಯೆ ಗೀತಾ ಶೇಟ್‌ ಸ್ವಾಗತಿಸಿ, ಮಹೇಶ್‌ ಕುಮಾರ್‌ ವಂದಿಸಿದರು. ಪ್ರ. ಕಾರ್ಯದರ್ಶಿ ಕೆ. ರಾಘವೇಂದ್ರ ಕಿಣಿ ಕಾರ್ಯಕ್ರಮ ನಿರ್ವಹಿಸಿದರು.