ಉಡುಪಿ: ಹಣ ಪಡೆದು ವಾಪಾಸು ನೀಡದೆ ವಂಚನೆ: ಆರೋಪಿಗೆ ಶಿಕ್ಷೆ  

ಉಡುಪಿ: ಹಣ ಪಡೆದು ವಾಪಾಸು ನೀಡದೆ ವಂಚನೆ ಮಾಡಿದ ಆರೋಪಿಗೆ ಉಡುಪಿಯ 1ನೇ ಹೆಚ್ಚುವರಿ ಸಿವಿಲ್‌ ನ್ಯಾಯಾಲಯ ಮತ್ತು ಜೆಎಂಎಫ್ಸಿ ನ್ಯಾಯಾಲಯ ಶಿಕ್ಷೆ ವಿಧಿಸಿದೆ.

ಉಡುಪಿಯ ಮೀನು ಮಾರುಕಟ್ಟೆ ಬಳಿಯ ನಿವಾಸಿ ಬಿ.ಅಬ್ದುಲ್‌ ಹಮೀದ್‌ ಸಾಹೇಬ್‌ ಎಂಬವರು ಈ ಹಿಂದೆ ತೆಂಕ ಎರ್ಮಾಳು ನಿವಾಸಿ ಅಬ್ದುಲ್‌ ಸಮದ್‌ ಖಾನ್‌ ಎಂಬಾತನಿಗೆ ಆತ ಕೇಳಿದಂತೆ 3 ಲ.ರೂ. ನೀಡಿದ್ದರು. ಬಳಿಕ ಈ ಹಣವನ್ನು ಅಬ್ದುಲ್‌ ಸಮದ್‌ ಖಾನ್‌ ಚೆಕ್‌ ರೂಪದಲ್ಲಿ ಬಿ.ಅಬ್ದುಲ್‌ ಹಮೀದ್‌ ಸಾಹೇಬ್‌ಗ ನೀಡಿದ್ದರು.

ಇದನ್ನೂ ಓದಿ: ಡೀಸೆಲ್‌ ಅನಿರೀಕ್ಷಿತ ಲಾಭ ತೆರಿಗೆ ಇಳಿಕೆ: ಕಚ್ಚಾ ತೈಲ ಶುಲ್ಕ ಹೆಚ್ಚಳ

ಆದರೆ ಚೆಕ್‌ ಬೌನ್ಸ್‌ ಆಗಿದೆ ಎಂದು ಬಿ.ಅಬ್ದುಲ್‌ ಹಮೀದ್‌ ಸಾಹೇಬ್‌ ಅವರು ನ್ಯಾಯಾಲಯದಲ್ಲಿ ಜು.19ರಂದು ದೂರು ದಾಖಲಿಸಿದ್ದರು. ದೂರಿನ ವಿಚಾರಣೆ ನಡೆಸಿದ ನ್ಯಾಯಾಲಯ ಆರೋಪಿಗೆ 3 ತಿಂಗಳ ಸಾದಾ ಸಜೆ ಹಾಗೂ 10 ಸಾವಿರ ರೂ.ಗಳ ದಂಡ ವಿಧಿಸಿ ತೀರ್ಪು ನೀಡಿದೆ. ಫಿರ್ಯಾದುದಾರರ ಪರವಾಗಿ ನ್ಯಾಯವಾದಿ ಮಹಮ್ಮದ್‌ ಇಕ್ಬಾಲ್‌ ವಾದ ಮಂಡಿಸಿದ್ದರು.