ಬೈ ಒನ್‌ ಗೆಟ್‌ ಒನ್‌ ಆಫ‌ರ್‌ ನಂಬಿದ ಯುವಕನಿಗೆ 3.98 ಲಕ್ಷ ರೂ. ಟೋಪಿ

ಬೆಂಗಳೂರು: ಒಂದು ರಾಜಸ್ಥಾನ ಥಾಲಿ ಖರೀದಿಗೆ ಮತ್ತೊಂದು ಥಾಲಿ ಉಚಿತ ಎಂದು ಫೇಸ್‌ಬುಕ್‌ ಜಾಹೀರಾತಿಗೆ ಮರುಳಾದ ಯುವಕನೊಬ್ಬ ಸೈಬರ್‌ ಕಳ್ಳರ ಬಲೆಗೆ ಬಿದ್ದು 3.98 ಲಕ್ಷ ರೂ. ಕಳೆದುಕೊಂಡಿದ್ದಾನೆ.

ತ್ಯಾಗರಾಜನಗರದ ನಿವಾಸಿ ಉಪೇಂದ್ರ ಕುಮಾರ್‌ (38) ವಂಚನೆಗೊಳಗಾದವನು.

ಒಂದು ರಾಜಸ್ಥಾನ ಥಾಲಿ ಖರೀದಿಸಿದರೆ ಮತ್ತೂಂದು ಥಾಲಿ ಉಚಿತ ಎಂಬ ಫೇಸ್‌ಬುಕ್‌ನಲ್ಲಿ ಜಾಹೀರಾತು ಗಮನಿಸಿದ ಉಪೇಂದ್ರ ಕುಮಾರ್‌ ಆ ಪೇಜ್‌ಗೆ ಹೋಗಿ ಪರಿಶೀಲಿಸಿದ್ದರು. ಇದಾದ ಕೆಲ ಹೊತ್ತಿನಲ್ಲೇ ಅಪರಿಚಿತ ನಂಬರ್‌ನಿಂದ ಉಪೇಂದ್ರ ಕುಮಾರ್‌ಗೆ ವಾಟ್ಸ್‌ಆ್ಯಪ್‌ ಕರೆ ಬಂದಿತ್ತು. ಥಾಲಿ ಆಫ‌ರ್‌ ಪಡೆಯಲು 2 ಅಪ್ಲಿಕೇಶನ್‌ ಡೌನ್‌ ಲೋಡ್‌ ಮಾಡಿ 1 ರೂ. ಹಾಕುವಂತೆ ಸೂಚಿಸಿದ್ದರು. ಅದರಂತೆ ಉಪೇಂದ್ರ ಕುಮಾರ್‌ ಅಪ್ಲಿಕೇಶನ್‌ ಡೌನ್‌ಲೋಡ್‌ ಮಾಡಿದ್ದರು. ಇದಾದ ಕೆಲ ಹೊತ್ತಿನಲ್ಲೇ ಬ್ಯಾಂಕ್‌ ಖಾತೆಯಲ್ಲಿದ್ದ 3.98 ಲಕ್ಷ ರೂ. ಹಂತ-ಹಂತವಾಗಿ ಕಡಿತಗೊಂಡಿತ್ತು. ಈ ಬಗ್ಗೆ ಪರಿಶೀಲಿಸಿದಾಗ ಇದು ಸೈಬರ್‌ ಕಳ್ಳರ ಕೈ ಚಳಕ ಎಂಬುದು ಗೊತ್ತಾಗಿದೆ.