IPhone ಗಿಫ್ಟ್ ಹೆಸರಿನಲ್ಲಿ ವಂಚನೆ

ಮಂಗಳೂರು: ಐ ಫೋನ್‌ ಗಿಫ್ಟ್ ಕಳುಹಿಸಿರುವುದಾಗಿ ಹೇಳಿ ಹಣ ಪಡೆದು ವಂಚಿಸಿರುವ ಬಗ್ಗೆ ಪ್ರಕರಣ ದಾಖಲಾಗಿದೆ.

ದೂರುದಾರ ವ್ಯಕ್ತಿಗೆ ಎರಡು ತಿಂಗಳ ಹಿಂದೆ ಇನ್‌ಸ್ಟಾಗ್ರಾಂ ಅಕೌಂಟ್‌ಗೆ dr_fredlutodc ಎಂಬ ಇನ್‌ಸ್ಟಾಗ್ರಾಂ ಹೆಸರು ಹೊಂದಿರುವ ಅಪರಿಚಿತ ವ್ಯಕ್ತಿಫ್ರೆಂಡ್‌ ರಿಕ್ವೆಸ್ಟ್‌ ಕಳುಹಿಸಿದ್ದ. ಅದನ್ನು ದೂರುದಾರ ವ್ಯಕ್ತಿ ಒಪ್ಪಿಕೊಂಡಿದ್ದರು. ಅನಂತರ ಅಪರಿಚಿತ ವ್ಯಕ್ತಿ ದೂರುದಾರ ವ್ಯಕ್ತಿಯ ವಾಟ್ಸಪ್‌ ಸಂಖ್ಯೆ ಪಡೆದುಕೊಂಡು 8880237242 ಮತ್ತು +447418370799 ಸಂಖ್ಯೆಯಿಂದ ಮೆಸೇಜ್‌ಗಳನ್ನು ಕಳುಹಿಸುತ್ತಿದ್ದ. ತನ್ನನ್ನು ವೈದ್ಯನೆಂದು ಪರಿಚಯಿಸಿಕೊಂಡಿದ್ದ. ಮಾ.27ರಂದು ಅಪರಿಚಿತ ವ್ಯಕ್ತಿ ಐಫೋನ್‌ ಗಿಫ್ಟ್ ಕಳುಹಿಸಿದ್ದೇನೆ ಎಂದು ಹೇಳಿ ಕೊರಿಯರ್‌ ಚಾರ್ಜ್‌ ಎಂದು ದೂರುದಾರ ವ್ಯಕ್ತಿಯಿಂದ 50,000 ರೂ. ರಾಣಿದಾಸ್‌ ಎಂಬ ವ್ಯಕ್ತಿಯ ಖಾತೆಗೆ ವರ್ಗಾಯಿಸಿಕೊಂಡಿದ್ದಾನೆ. ಅನಂತರ ಯಾವುದೇ ಗಿಫ್ಟ್ ನೀಡಿಲ್ಲ ಎಂದು ದೂರಿನಲ್ಲಿ ತಿಳಿಸಲಾಗಿದೆ.