ಬೈಕಿಗೆ ಕಾರು ಢಿಕ್ಕಿ : ನಾಲ್ವರು ಯುವಕರು ಸ್ಥಳದಲ್ಲೇ ದಾರುಣ ಸಾವು

ದುರ್ಗ, ಛತ್ತೀಸ್‌ಗಢ : ಕಾರಿಗೆ ಬೈಕ್‌ ಢಿಕ್ಕಿಯಾದ ಅವಘಡದಲ್ಲಿ ನಾಲ್ವರು ಮೃತಪಟ್ಟಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.

ಇಂದು ಮಂಗಳವಾರ ನಸುಕಿನ ಎರಡು ಗಂಟೆಯ ವೇಳೆ ಪುಲಗಾಂವ್‌ ಸೇತುವೆಯ ಮೇಲೆ ಈ ಅಪಘಾತ ನಡೆದಿದೆ. ಅವಘಡದಲ್ಲಿ ಮೃತರಾದವರು ರಾಜನಂದಗಾಂವ್‌ ಸಮೀಪದ ಧಾಬಾ ಕಡೆಗೆ ಹೋಗುತ್ತಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ. ಎಲ್ಲ ನಾಲ್ವರು ಸ್ಥಳದಲ್ಲೇ ಸಾವಪ್ಪಿದ್ದಾರೆ.

ಮೃತರನ್ನುದೀಪಕ್‌ ನೇತಾಮ್‌, ರೋಹಿತ್‌ ಯಾದವ್‌, ಸೋಹನ್‌ ದೇವಾಗನ್‌ ಮತುತ ದೀಪಕ್‌ ಯಾದವ್‌ ಎಂದು ಗುರುತಿಸಲಾಗಿದೆ. ಇವರೆಲ್ಲ 19ರಿಂದ 24 ವರ್ಷದವರಾಗಿದ್ದು ಎಲ್ಲರೂ ದುರ್ಗ ಪಟ್ಟಣದ ನಿವಾಸಿಗಳು.

ಬೈಕಿಗೆ ಢಿಕ್ಕಿ ಹೊಡೆದು ನಾಲ್ಕು ಜೀವ ಬಲಿ ಪಡೆದಿರುವ ಅಪರಿಚಿತ ಕಾರಿಗಾಗಿ ಪೊಲೀಸರು ಶೋಧ ನಡೆಸುತ್ತಿದ್ದು ಕೇಸು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.